International
ചന്ദ്രനില് കാലുകുത്തിയ അവസാന ബഹിരാകാശ യാത്രികന് യുജിന് സെര്നാന് അന്തരിച്ചു
വാഷിംഗ്ടണ്: 1972ലെ അപ്പോളോ-17 ദൗത്യത്തില് ചന്ദ്രനില് കാലുകുത്തിയ അവസാന ബഹിരാകാശ സഞ്ചാരി യുജിന് സെര്നാന് അന്തരിച്ചു. 82 വയസായിരുന്നു. വാര്ദ്ധക്യസഹജമായ അസുഖങ്ങളെ തുടര്ന്നായിരുന്നു മരണം. ചന്ദ്രനില് മനുഷ്യനെ ഇറക്കാനുള്ള അപ്പോളോ ദൗത്യങ്ങളില് അവസാനത്തേതായിരുന്നു അപ്പോളോ 17.
അപ്പോളോ-17 കമാന്ഡോ മോഡ്യൂള് പൈലറ്റായ റൊണാള്ഡ് ഇവാന്സ്, ലൂണാര് മോഡ്യൂള് പൈലറ്റായ ഹാരിസണ് സ്മിത്ത് എന്നിവരുടെ കൂടെയാണ് സെര്നാന് ചാന്ദ്ര ദൗത്യത്തില് പങ്കാളിയായത്. 1972 ഡിസംബര് 11ന് ചന്ദ്രനിലെ ടോറസ് ലിട്രോവ് എന്ന സ്ഥലത്താണ് സെര്നാനും, ഹാരിസണ് സ്മിത്തും കാലുകുത്തിയത്. ചന്ദ്രനിലെ അഗ്നിപര്വതങ്ങളെക്കുറിച്ചുള്ള പഠനമായിരുന്നു ഇവരുടെ ദൗത്യം.
---- facebook comment plugin here -----