എയര്‍ ഇന്ത്യയില്‍ ഇനി സ്ത്രീകള്‍ക്കു മാത്രം സീറ്റുകള്‍

Posted on: January 12, 2017 3:03 pm | Last updated: January 13, 2017 at 10:23 am
SHARE

ന്യൂഡല്‍ഹി: ദേശീയ വിമാനമായ എയര്‍ ഇന്ത്യയില്‍ സ്ത്രീകള്‍ക്ക് സീറ്റ് റിസര്‍വേഷന്‍. ഓരോ വിമാനത്തിലും ആറു സീറ്റുകളാണ് വനിതകള്‍ക്കായി നീക്കി വെക്കുക. ജനുവരി 18 മുതല്‍ രീതി നിലവില്‍ വരും. അധിക നിരക്ക് ഈടാക്കാതെയാണ് സൗകര്യം. സ്ത്രീകളുടെ സുരക്ഷ മുന്‍നിര്‍ത്തിയുള്ള തീരുമാനം ലോകത്ത് ആദ്യമായാണ് ഒരു വിമാനത്തില്‍ നിലവില്‍ വരുന്നതെന്ന് എ എന്‍ ഐ റിപ്പോര്‍ട്ട് ചെയ്തു.

വിമാനത്തിലെ എക്കോണമി ക്ലാസ് വിഭാഗത്തിലെ മൂന്നാമതു വരിയിലെ സീറ്റുകളാണ് സ്ത്രീകള്‍ക്കായി നീക്കി വെക്കുകയെന്ന് എയര്‍ ഇന്ത്യാ ജനറല്‍ മാനേജര്‍ മീനാക്ഷി മാലിക് അറിയിച്ചു. സ്ത്രീകള്‍ക്ക് സുരക്ഷിതമായി യാത്ര ചെയ്യാന്‍ സൗകര്യമൊരുക്കാനുള്ള ദേശീയ വിമാനത്തിന്റെ പ്രതിബദ്ധതയുടെ ഭാഗമായാണ് തീരുമാനമെന്നും അവര്‍ അറിയിച്ചു. ഒറ്റക്കു യാത്ര ചെയ്യുന്ന സ്ത്രീകള്‍ക്കാണ് പരിഗണന നല്‍കുക. റിസര്‍വ് ചെയ്ത സീറ്റുകള്‍ സ്ത്രീകള്‍ക്കു മാത്രമേ നല്‍കൂ. ടിക്കറ്റ് ബുക്കിംഗ് സമയത്തോ ബോര്‍ഡിംഗ് പാസ് എടുക്കുമ്പോഴോ സീറ്റുകള്‍ ആവശ്യപ്പെടാം.

LEAVE A REPLY

Please enter your comment!
Please enter your name here