Sports
ശ്രീജേഷിന് ആഗോള ഹോക്കി ആദരം
ന്യൂഡല്‍ഹി: ഇന്ത്യന്‍ ഹോക്കി ക്യാപ്റ്റന്‍ പി ആര്‍ ശ്രീജേഷ് രാജ്യാന്തര ഹോക്കി ഫെഡറേഷന്‍ (എഫ് ഐ എച്ച്) അത്‌ലറ്റ്‌സ് കമ്മിറ്റി അംഗമായി തിരഞ്ഞെടുക്കപ്പെട്ടു. മുന്‍ താരങ്ങളും ഇപ്പോള്‍ കളിക്കുന്ന താരങ്ങളും ഉള്‍പ്പടെ എട്ട് പേരടങ്ങുന്നതാണ് അത്‌ലറ്റ്‌സ് കമ്മിറ്റി. ഹോക്കി ഫെഡറേഷനില്‍ കളിക്കാരുടെ ആവശ്യങ്ങള്‍ ഉന്നയിക്കുക ഈ കമ്മിറ്റിയാണ്.
വലിയൊരു അംഗീകാരമായിട്ടാണ് ശ്രീജേഷ് ഇതിനെ കാണുന്നത്. ഇതിഹാസ താരം മോറിറ്റ്‌സ് ഫോസ്‌റ്റെയെ പോലുള്ളവര്‍ ഉള്‍പ്പെടുന്ന കമ്മിറ്റിയാണിത്. പുതിയ ഉത്തരവാദിത്വം മികച്ച രീതിയില്‍ നിറവേറ്റാന്‍ സാധിക്കുമെന്ന് പ്രതീക്ഷയുണ്ട്- ശ്രീജേഷ് പറഞ്ഞു.ഹോക്കിക്ക് ആഗോള പ്രശസ്തി നല്‍കുക എന്ന ഉദ്ദേശ്യത്തോടെ എഫ് ഐ എച്ച് നടത്തുന്ന പ്രവര്‍ത്തനങ്ങളില്‍ നിര്‍ണായക പങ്ക് വഹിക്കാന്‍ പരിശ്രമിക്കും. മികച്ച നിര്‍ദേശങ്ങള്‍ നല്‍കേണ്ടതുണ്ട്. അതിന് ടീം അംഗങ്ങളുടെയും കോച്ചിന്റെയും കോച്ചിംഗ് സ്റ്റാഫുകളുടെയും എല്ലാ പിന്തുണയും സഹകരണവും തനിക്ക് അത്യാവശ്യമാണ് – മലയാളി താരം പറഞ്ഞു.
എഫ് ഐ എച്ച് അത്‌ലറ്റ്‌സ് കമ്മിറ്റി രാജ്യാന്തര ഒളിമ്പിക് അസോസിയേഷന്റെ അത്‌ലറ്റ്‌സ് കമ്മിറ്റിയുമായും മറ്റ് കായിക ഫെഡറേഷനുകളുടെ അത്‌ലറ്റ്‌സ് കമ്മിറ്റിയുമായുമെല്ലാം സഹകരിക്കും.
ആഗോള അത്‌ലറ്റുകളുടെ ആരോഗ്യം, ക്ഷേമം, കരിയര്‍ തുടര്‍ച്ച, ഉത്തേജക മരുന്നുപയോഗം തടയല്‍, ഒത്തുകളി എന്നീ വിഷയങ്ങളെല്ലാം അത്‌ലറ്റ്‌സ് കമ്മിറ്റി ഗൗരവമായി ചര്‍ച്ച ചെയ്യും.
Latest
സംസ്ഥാനത്ത് സ്വര്‍ണവില 54,000 കടന്നു
പത്തനംതിട്ടയില്‍ കാണാതായ ഇതര സംസ്ഥാന തൊഴിലാളികളുടെ പെണ്‍കുട്ടികളെ മണിക്കൂറുകള്‍ക്കകം കണ്ടെത്തി പോലീസ്
അട്ടപ്പാടിയില്‍ വീണ്ടും ആദിവാസി ശിശുമരണം; ഏഴുമാസം പ്രായമുള്ള കുഞ്ഞ് ശ്വാസംമുട്ടലിനെ തുടര്‍ന്ന് മരിച്ചു
പയ്യോളിയില്‍ കാര്‍ ലോറിയില്‍ ഇടിച്ച് അപകടം; രണ്ട് മരണം
ടൂറിസ്റ്റ് ബസും കാറും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; പോസ്റ്റ്മോര്‍ട്ടം വിവരങ്ങള്‍ ഇന്ന് പുറത്ത് വരും
