Kerala
കൈക്കൂലി വാങ്ങുന്നതിനിടെ ഹെല്‍ത്ത് ഇന്‍സ്‌പെക്ടര്‍ പിടിയില്‍
മരട്: കൈക്കൂലി വാങ്ങുന്നതിനിടെ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ വിജിലന്‍സിന്റെ പിടിയിലായി. മരട് നഗരസഭ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ കെ എസ് നിയാസിനെ(46)യാണ് ഇന്നലെ രാവിലെ കൈക്കൂലി വാങ്ങുന്നതിനിടെ കൈയോടെ പിടികൂടിയത്. കലൂര്‍ നടുവില മുല്ലോത്ത് വിട്ടില്‍ ഡാല്‍സണ്‍ വര്‍ഗീസിന്റെ പരാതിയെ തടര്‍ന്നായിരുന്നു നടപടി. കായംകുളം സ്വദേശിയാണ് നിയാസ്.
കുണ്ടന്നുരിലെ ഡ്രൈചിപ്‌സ് കയറ്റുമതി ഓഫിസിന് ലൈസന്‍സ് നല്‍കുന്നതിന് ഉടമ ഡാല്‍സണ്‍ വര്‍ഗീസിനോട് നിയാസ് 5000 രൂപ കൈക്കൂലി ആവശ്യപ്പെടുകയായിരുന്നു. വിവരം ഡാല്‍സണ്‍ വിജിലന്‍സിനെ അറിയിച്ചു. സെന്‍ട്രല്‍ റെയ്ഞ്ച് ഡി വൈ എസ് പി. എം എന്‍ രമേശിന്റെ നിര്‍ദേശ പ്രകാരം ഇന്നലെ മുനിസിപ്പാലിറ്റിയിലെ ജൂനിയര്‍ ഹെല്‍ത്ത് ഇന്‍സ്‌പെക്ടറുടെ ഓഫീസിലെത്തിയ പരാതിക്കാരന്‍ വിജിലന്‍സ് നല്‍കിയ ഫിനോഫ്തലിന്‍ പുരട്ടിയ 5000 രൂപ നിയാസിന് നല്‍കി. അതിനിടെ ഒമ്പതംഗ വിജിലന്‍സ് സംഘം നിയാസിനെ കൈയോടെ പിടികൂടുകയായിരുന്നു. ഇയാളെ ഇന്ന് മൂവാറ്റുപുഴ വിജിലന്‍സ് കോടതിയില്‍ ഹാജരാക്കും.
Latest
കടലില്‍ കാണാതായ വിദ്യാര്‍ഥിയുടെ മൃതദേഹം കരക്കടിഞ്ഞു
യുവതി വിവാഹാലോചനയില്‍ നിന്നു പിന്‍മാറി; വീട് കയറി ആക്രമണത്തില്‍ അഞ്ചുപേര്‍ക്ക് പരിക്ക്
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്‌ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്‍; നാല് പരിപാടികളില്‍ പങ്കെടുക്കും
രാഹുല്‍ ഗാന്ധിയുടെ പരിപാടിയില്‍ ലീഗ് കൊടി ഉയര്‍ത്തി; വണ്ടൂരില്‍ സംഘര്‍ഷം
