Kerala
ജയില്‍വാസത്തിനിടെ കൈ ഒടിഞ്ഞ സംഭവം: 10000 രൂപ നഷ്ടപരിഹാരം നല്‍കണമെന്ന്
തിരുവനന്തപുരം: അബ്കാരി കേസ് പ്രതിയുടെ കൈ സബ് ജയില്‍ വാസത്തിനിടയില്‍ ഒടിഞ്ഞ സംഭവത്തില്‍ സര്‍ക്കാര്‍ പതിനായിരം രൂപ നഷ്ടപരിഹാരം നല്‍കണമെന്ന് സംസ്ഥാന മനുഷ്യാവകാശ കമ്മീഷന്‍. പെരുംകുഴി മംഗ്ലാവ് വീട്ടില്‍ എന്‍ ചന്ദ്രന്റെ കൈ ഒടിഞ്ഞ കേസിലാണ് ഉത്തരവ്. കോടതിയില്‍ നിന്നും റിമാന്‍ഡ് ചെയ്ത് ജയിലിലെത്തിയ തന്റെ കൈ ജയില്‍ ഉദേ്യാഗസ്ഥര്‍ റൂള്‍ തടി കൊണ്ടടിച്ച് ഒടിച്ചെന്നാണ് പരാതി. കമ്മീഷന്റെ നിര്‍ദേശാനുസരണം അധികൃതര്‍ സമര്‍പ്പിച്ച വിശദീകരണത്തില്‍ കുറ്റം നിഷേധിച്ചു.
ഒരാള്‍ കസ്റ്റഡിയിലോ ജയിലിലോ ആയിരിക്കുമ്പോള്‍ അയാള്‍ സര്‍ക്കാര്‍ കസ്റ്റഡിയിലാണെന്ന് കമ്മീഷന്‍ അധ്യക്ഷനായിരുന്ന ജസ്റ്റിസ് ജെ ബി കോശി ഉത്തരവില്‍ നിരീക്ഷിച്ചു. ജയിലില്‍ പ്രവേശിപ്പിക്കുന്ന സമയത്ത് ചന്ദ്രന്റെ കൈയ്ക്ക് ഒടിവില്ലായിരുന്നു.
കൈ വേദനയെക്കുറിച്ച് പരാതി പറഞ്ഞപ്പോള്‍ വൈദ്യ പരിശോധന പോലും നടത്തിയില്ല. ഇത്തരം സംഭവങ്ങള്‍ ആവര്‍ത്തിക്കരുതെന്ന് കമ്മീഷന്‍ ഉത്തരവില്‍ പറഞ്ഞു. നഷ്ടപരിഹാരം സര്‍ക്കാര്‍ നല്‍കിയ ശേഷം ഉത്തരവാദികളായ ഉദേ്യാഗസ്ഥരില്‍ നിന്നും വിശദീകരണം ചോദിച്ച് സര്‍ക്കാറിന് ഈടാക്കാവുന്നതാണെന്നും ഉത്തരവില്‍ പറയുന്നു. 2015 മാര്‍ച്ച് 24 നായിരുന്നു സംഭവം.
Latest
മോദിയുടെ വിവാദ പ്രസംഗത്തില്‍ നടപടിയില്ല; സുപ്രീംകോടതിയില്‍ പരാതിയുമായി ബൃന്ദാ കാരാട്ട്
സംസ്ഥാനത്ത് സ്വര്‍ണവില കുത്തനെ ഇടിഞ്ഞു
ആര്‍എല്‍വി രാമകൃഷ്ണനെതിരായ അധിക്ഷേപം; സത്യഭാമയുടെ മുന്‍കൂര്‍ ജാമ്യാപേക്ഷ തള്ളി
രാഹുല്‍ ഗാന്ധിയുടെ ഡിഎന്‍എ പരിശോധിക്കണം; അധിക്ഷേപ പരാമര്‍ശവുമായി പി വി അന്‍വര്‍
തായ്‌വാനില്‍ 24 മണിക്കൂറിനുള്ളില്‍ 80ല്‍ അധികം ഭൂകമ്പങ്ങള്‍; റിപ്പോര്‍ട്ട്
കള്ളവോട്ടിന് ശ്രമിച്ചാല്‍ കര്‍ശന നടപടി; മുഖ്യ തിരഞ്ഞെടുപ്പ് ഓഫീസര്‍
