Kerala
സര്‍ക്കാര്‍ ഡോക്ടര്‍മാര്‍ സെക്രട്ടേറിയറ്റ് മാര്‍ച്ച് നടത്തി; 14ന് കൂട്ട ഉപവാസം; 27ന് സൂചനാ പണിമുടക്ക്
തിരുവനന്തപുരം: കേരള ഗവ. മെഡിക്കല്‍ ഓഫീസേഴ്‌സ് അസോസിയേഷന്റെ (കെ ജി എം ഒ എ) നേത്യത്വത്തില്‍ സര്‍ക്കാര്‍ ഡോക്ടര്‍മാര്‍ സെക്രട്ടറിയേറ്റ് മാര്‍ച്ച് നടത്തി. പത്താം ശമ്പളപരിഷ്‌കരണത്തോടെ സര്‍ക്കാര്‍ ഡോക്ടര്‍മാരുടെ ശമ്പളം വെട്ടിക്കുറച്ച നടപടി പിന്‍വലിക്കുക, ജനസംഖ്യ ആനുപാതികമായി ഡോക്ടര്‍മാരെ നിയമിക്കുക, അത്യാഹിത വിഭാഗത്തിലെ ഡോക്ടര്‍മാരുടെ അലവന്‍സ് പരിഷ്‌കരിക്കുക, സൂപ്പര്‍ സ്‌പെഷ്യാലിറ്റി കേഡറിലെ അപാകത പരിഹരിക്കുക എന്നീ ആവശ്യങ്ങള്‍ ഉന്നയിച്ചായിരുന്നു മാര്‍ച്ച്. കെ ജി എം ഒ എയുടെ നേതൃത്വത്തില്‍ സര്‍ക്കാര്‍ ഡോക്ടര്‍മാര്‍ കഴിഞ്ഞ ആറ് മാസമായി സമരപാതയിലാണ്. സര്‍ക്കാര്‍ നടപടി സ്വീകരിച്ചില്ലെങ്കില്‍ കൂടുതല്‍ സമരമുറകള്‍ തുടരുമെന്ന് ഡോക്ടര്‍മാര്‍ അറിയിച്ചു. കെ ജി എം ഒ എ സംസ്ഥാന പ്രസി. ഡോ. മധു ഉദ്ഘാടനം ചെയ്തു. പ്രൈവറ്റ് പ്രാക്ടീസ് ബഹിഷ്‌കരിച്ചുകൊണ്ട് സെപ്റ്റംബര്‍ ആറിന് സെക്രട്ടറിയേറ്റ് ധര്‍ണയും നിസഹകരണ സമരവും 14ന് സെക്രട്ടറിയേറ്റില്‍ കൂട്ട ഉപവാസവും 27ന് സൂചനാപണിമുടക്കും നടത്തും. തുടര്‍ന്ന് അനിശ്ചിതകാല സമരവും നടത്തുമെന്ന് ഭാരവാഹികള്‍ അറിയിച്ചു. 27ലെ പണിമുടക്ക് ആശുപത്രികളുടെ പ്രവര്‍ത്തനത്തെ ബാധിക്കും.
Latest
കാണാതായ അസിസ്റ്റന്റ് പോസ്റ്റ് മാസ്റ്റര് ഓഫീസില് മരിച്ച നിലയില്
തൃശൂര് പൂരത്തിന് തുടക്കമായി; പൂരനഗരിയില് ജനസഞ്ചയം
സംസ്ഥാനത്ത് സ്വര്ണവില വീണ്ടും സര്വകാല റെക്കോഡിലെത്തി
കോണ്ഗ്രസ് നേതാവിന്റെ മകളെ കാമ്പസിനുള്ളില് കുത്തിക്കൊന്നു ; പ്രതി പിടിയില്
ബെംഗളൂരുവില് മകളെ കുത്തിക്കൊന്ന യുവാവിനെ അമ്മ തലക്കടിച്ച് കൊന്നു
ആലുവയില് ട്രെയിനില് നിന്ന് വീണ് പരുക്കേറ്റ യുവാവ് മരിച്ചു
