Connect with us

Sports

ഇബ്തിഹാജ് മായാചിത്രം

Published

|

Last Updated

റിയോഡിജനീറോ: ഫെന്‍സിംഗില്‍ അമേരിക്കക്ക് വേണ്ടി മത്സരിക്കാനിറങ്ങിയ വനിതാ താരം ഇബ്തിഹാജ് മുഹമ്മദ് ലോകശ്രദ്ധ പിടിച്ചു പറ്റി. ഒളിമ്പിക്‌സില്‍ അമേരിക്കക്ക് വേണ്ടി ശിരോവസ്ത്രം ധരിച്ചിറങ്ങിയ ആദ്യ താരമാണ് ഇസ്ലാംമത വിശ്വാസിയായ ഇബ്തിഹാജ്. ഉക്രൈനിന്റെ ഒലെന ക്രവാസ്‌കയെ 13-15ന് മറികടന്ന് ഇബ്തിഹാജ് പ്രീക്വാര്‍ട്ടറിലെത്തിയെങ്കിലും അതിനപ്പുറത്തേക്ക് മുന്നേറുവാന്‍ സാധിച്ചില്ല.
പരാജയം ഇബ്തിഹാജിനെ നിരാശപ്പെടുത്തുന്നില്ല. ഒളിമ്പിക്‌സ് വലിയ അവസരമാണെനിക്ക് സമ്മാനിച്ചത് – ഇബ്തിഹാജ് പറഞ്ഞു.
വനിതാ താരത്തിന്റെ സഹോദരന്‍ ഖരീബും സംതൃപ്തനാണ്. ഒരു മുസ്ലീം എന്ന നിലയില്‍, ആഫ്രിക്കന്‍-അമേരിക്കന്‍ എന്ന നിലയില്‍, ഒരു സ്ത്രീ എന്ന നിലയില്‍ എന്റെ സഹോദരിയുടെ ആത്മവിശ്വാസം ലോകം കണ്ടു. എന്റെ മാതൃകാ താരമാണ് സഹോദരി – ഖരീബിന്റെ വാക്കുകള്‍.

Latest