Gulf
നൂര്‍ ബേങ്കിനും ബിസിനസ് ബേക്കുമിടയില്‍ മെട്രോക്ക് വേഗം കുറഞ്ഞതായി യാത്രക്കാര്‍
ദുബൈ: മെട്രോ ചുവപ്പ് പാതയില്‍ നൂര്‍ ഇസ്‌ലാമിക് ബേങ്ക്-ബിസിനസ് ബേ സ്റ്റേഷനുകള്‍ക്കിടയില്‍ വേഗം കുറയുന്നതായി യാത്രക്കാര്‍.
ഈ രണ്ടു സ്റ്റേഷനുകള്‍ക്കും ഇടയില്‍ ക്രമാതീതമായി വേഗം കുറയുന്നതാണ് ഞായര്‍, തിങ്കള്‍ രണ്ടു ദിവസങ്ങളില്‍ ഉണ്ടായിരിക്കുന്നതെന്ന് ഈ റൂട്ടിലെ സ്ഥിരം യാത്രക്കാരായ ചിലര്‍ പറഞ്ഞു. മുമ്പുണ്ടായിരുന്നതിന്റെ പാതിവേഗത്തിലാണ് ഇവിടെ മെട്രോ ഓടുന്നതെന്നും ദുബൈ കനാല്‍ പദ്ധതിയുടെ നിര്‍മാണം പുരോഗമിക്കുന്ന മേഖലയായതിനാലാവാമിതെന്നുമാണ് യാത്രക്കാരില്‍ ചിലര്‍ സംശയം പ്രകടിപ്പിച്ചത്. തിങ്കളാഴ്ച ജോലി കഴിഞ്ഞ് വീ്ട്ടിലേക്ക് മടങ്ങവേയായിരുന്നു മെട്രോയുടെ വേഗം ക്രമാതീതമായി കുറഞ്ഞതായി ബോധ്യപ്പെട്ടതെന്ന് സ്ഥിരം യാത്രക്കാരില്‍ ഒരാള്‍ വിശദീകരിച്ചു. മറ്റൊരു യാത്രക്കാരനായ അജ്മല്‍ ഖാനും ഇതേ അഭിപ്രായം തന്റെ ട്വിറ്റര്‍ പേജിലൂടെ പങ്കുവെച്ചു. ദുബൈ കനാല്‍ പദ്ധതിയുടെ ഭാഗമായാണ് ഞായര്‍, തിങ്കള്‍ ദിവസങ്ങളില്‍ മെട്രോയുടെ വേഗം കുറച്ചതെന്ന് ആര്‍ ടി എ റെയില്‍ ഓപറേഷന്‍സ് ഡയറക്ടര്‍ മുഹമ്മദ് യൂസുഫ് അല്‍ മുദാരിബ് സ്ഥിരീകരിച്ചു. ഇന്നലെ മുതല്‍ മെട്രോ പഴയ വേഗത്തിലേക്ക് തിരിച്ചെത്തിയതായും അദ്ദേഹം പറഞ്ഞു.
Latest
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
