Kannur
ലോകത്ത് മാറ്റങ്ങള്‍ സൃഷ്ടിക്കുന്നത് അറിവും സംസ്‌കാരവും: ഖലീല്‍ തങ്ങള്‍
കണ്ണൂര്‍: ആയുധബലമോ, അംഗബലമോ കൊണ്ടല്ല അറിവും സംസ്‌കാരവും കൊണ്ടാണ് ലോകത്ത് മാറ്റങ്ങള്‍ സൃഷ്ടിക്കുന്നതെന്നും അതിന് ചരിത്ര സംഭവങ്ങള്‍ സാക്ഷിയാണെന്നും എസ് എം എ സംസ്ഥാന പ്രസിഡന്റ് സയ്യിദ് ഇബ്‌റാഹിം ഖലീലുല്‍ ബുഖാരി പ്രസ്താവിച്ചു.
ആനന്ദകരമായ മദ്‌റസ വിദ്യാഭ്യാസം എന്ന പ്രമേയത്തില്‍ എസ് എം എ നടത്തുന്ന ക്യാമ്പയിന്റെ സംസ്ഥാനതല പ്രഖ്യാപനം കണ്ണൂരില്‍ നിര്‍വഹിച്ച് പ്രസംഗിക്കുകയായിരുന്നു അദ്ദേഹം. മദ്‌റസാ പ്രസ്ഥാനത്തിന്റെ വളര്‍ച്ചക്ക് കഴിഞ്ഞകാല പണ്ഡിതരും മുഅല്ലിമീങ്ങളും ചെയ്ത ത്യാഗം അവസ്മരണീയമാണ്. അവര്‍ കാണിച്ച പാതയില്‍ ഇന്ന് മദ്‌റസാ പഠന രംഗത്ത് കാലോചിതമായ മാറ്റം ആവശ്യമാണ്. പരസ്പര സഹകരണത്തോടെയും പരിശ്രമത്തോടെയും മാറ്റങ്ങള്‍ സൃഷ്ടിക്കാന്‍ നമുക്ക് കഴിയണം.
ഇന്നത്തെ മദ്‌റസാ പഠനം ആകര്‍ഷകമാക്കാന്‍ മാനേജ്‌മെന്റ് മുന്‍കൈയെടുത്ത് പ്രവര്‍ത്തിക്കണം. അതിന് ആവശ്യമായ തന്ത്രങ്ങള്‍ ഉപയോഗപ്പെടുത്തണം. മദ്‌റസാ നവീകരണത്തിന് ക്രിയാത്മകമായ ഇടപെടലുകളാണ് ആവശ്യം.
ചുരുങ്ങിയ ചെലവില്‍ ഹൈജീനിക് ക്യാമ്പസുകളായി മദ്‌റസകളെ മാറ്റാന്‍ സാധിക്കും. വിദ്യാര്‍ഥി സൗഹൃദ പഠന പ്രക്രിയക്കാണ് അധ്യാപകര്‍ പ്രാമുഖ്യം നല്‍കേണ്ടതെന്നും ഖലീല്‍ തങ്ങള്‍ കൂട്ടിച്ചേര്‍ത്തു.
Latest
മണ്ണു നീക്കുന്നതിനിടെ സ്റ്റീല്‍ ബോംബ് കണ്ടെയ്‌നര്‍ കണ്ടെത്തി
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
