Kerala
'ഗോഡ്ഫാദര്‍' പരാമര്‍ശം; ബിജിമോള്‍ ഖേദം പ്രകടിപ്പിച്ചു
തിരുവനന്തപുരം: “ഗോഡ്ഫാദര്‍” പരാമര്‍ശത്തിന്റെ പേരില്‍ ഇ.എസ്. ബിജിമോള്‍ എംഎല്‍എ ഖേദം പ്രകടിപ്പിച്ചു. തനിക്ക് ഗോഡ്ഫാദര്‍മാരില്ലാത്തതാണു മന്ത്രിസ്ഥാനം ലഭിക്കാതിരിക്കാന്‍ കാരണമെന്ന ബിജിമോളുടെ പ്രസ്താവനയില്‍ സിപിഐ സംസ്ഥാന എക്‌സിക്യൂട്ടീവ് വിശദീകരണം തേടിയിരുന്നു. പാര്‍ട്ടിക്കു നല്‍കിയ വിശദീകരണത്തിലാണ് എംഎല്‍എ ഖേദം പ്രകടിപ്പിച്ചത്.
ഒരു വാരികയ്ക്ക് നല്‍കിയ അഭിമുഖത്തിലായിരുന്നു ബിജിമോളുടെ പരാമര്‍ശം. അനൗപചാരികമായി താന്‍ ലേഖകനോടു സംസാരിച്ച വിഷയമാണിതെന്നും പ്രസിദ്ധീകരിക്കുമെന്ന് കരുതിയില്ലെന്നും വിവാദമുണ്ടായതില്‍ ഖേദമുണ്‌ടെന്നുമാണു ബിജിമോള്‍ വിശദീകരണം നല്‍കിയിരിക്കുന്നത്. വിശദീകരണം പാര്‍ട്ടി സ്വീകരിച്ചുവെന്നാണു സൂചന.
സംസ്ഥാന കൗണ്‍സില്‍ അംഗമായ ബിജിമോളുടെ പ്രസ്താവന വിവാദമായതോടെ പാര്‍ട്ടി സംസ്ഥാന എക്‌സിക്യൂട്ടീവ് വിശദീകരണം ആവശ്യപ്പെടുകയായിരുന്നു. കഴിഞ്ഞയാഴ്ചയാണു ബിജിമോള്‍ വിശദീകരണം നല്‍കിയത്.
Latest
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള് ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
സമസ്ത നൂറാം വാര്ഷികം; ഉന്നത മതകലാലയങ്ങളിലെ അധ്യാപകരുടെ സംഗമം നടത്തും
'ഉത്തരവാദിത്വം മനുഷ്യപ്പറ്റിന്റെ രാഷ്ട്രീയം' എസ് വൈ എസ് പ്ലാറ്റിയൂണ് അസംബ്ലികള്ക്ക് തുടക്കം
പച്ചത്തുരുത്തിലെ വമ്പുറ്റ പോര്
ഗോത്രക്കോട്ടയില് കുന്നോളം പ്രതീക്ഷ
