National
ആം ആദ്മി എംഎല്‍എ റിമാന്‍ഡില്‍; ഡല്‍ഹിയില്‍ അടിയന്തരാവസ്ഥയെന്ന് കെജരിവാള്‍
ന്യൂഡല്‍ഹി: ഡല്‍ഹി പോലീസ് അറസ്റ്റ് ചെയ്ത ആം ആദ്മി പാര്‍ട്ടി എംഎല്‍എ ദിനേശ് മൊഹാനിയെ റിമാന്‍ഡ് ചെയ്തു. വാര്‍ത്താ സമ്മേളനം നടത്തുന്നതിനിടെയാണ് പോലീസ് നാടകീയമായി എത്തി എംഎല്‍എയെ അറസ്റ്റ് ചെയ്തത്. തന്നെ തിരിച്ചറിഞ്ഞില്ല എന്ന കാരണത്തിന് തെക്കന്‍ ഡല്‍ഹിയിലെ തുക്ലകാബാദില്‍ വച്ച് എംഎല്‍എ ഒരു മുതിര്‍ന്ന പൗരനെ മര്‍ദ്ദിച്ചു, പരാതി പറയാനെത്തിയ സ്ത്രീകളെ അപമാനിച്ചു എന്നീ പരാതികളുടെ പേരിലാണ് എംഎല്‍എയുടെ പേരില്‍ കേസെടുത്തത്.
വെള്ളിയാഴ്ച വൈകിട്ട് എംഎല്‍എക്ക് നോട്ടീസ് നല്‍കാന്‍ പോലീസ് ശ്രമിച്ചെങ്കിലും അദ്ദേഹം സ്വീകരിച്ചില്ല. പരാതിയെക്കുറിച്ച് വിവരങ്ങള്‍ ആരായാന്‍ അദ്ദേഹം പോലീസുമായി സഹകരിക്കാനും തയ്യാറായില്ല. ഇതേതുടര്‍ന്നാണ് അറസ്റ്റ് ചെയ്തതെന്ന് തെക്കന്‍ ഡല്‍ഹി ഡെപ്യൂട്ടി കമ്മീഷണര്‍ ഈശ്വര്‍ സിംഗ് പറഞ്ഞു.
എംഎല്‍എയുടെ അറസ്റ്റിനെതിരെ മുഖ്യമന്ത്രി അരവിന്ദ് കെജരിവാള്‍ രംഗത്തെത്തി. പ്രധാനമന്ത്രി മോദി ഡല്‍ഹിയില്‍ അടിയന്തരാവസ്ഥ പ്രഖ്യാപിച്ചിരിക്കുകയാണെന്ന് കെജരിവാള്‍ ആരോപിച്ചു. അടിസ്ഥാനരഹിതമായ ആരോപണങ്ങളാണ് പാര്‍ട്ടിക്കും എംഎല്‍എക്കും എതിരെ ഉന്നയിക്കുന്നത്. ഇതിന് പോലീസിനെ കൂട്ടുപിടിച്ചിരിക്കുകയാണെന്നും കെജരിവാള്‍ പറഞ്ഞു.
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
