National
സ്ത്രീകളോട് അപമര്യാദയായി പെരുമാറി;എഎപി എംഎല്‍എയ്‌ക്കെതിരേ പരാതി
ന്യൂഡല്‍ഹി: ഡല്‍ഹി സര്‍ക്കാരിനെ പ്രതിരോധത്തിലാക്കി എഎപി എംഎല്‍എയ്‌ക്കെതിരേ സ്ത്രീകളുടെ പരാതി. വെള്ളം ലഭിക്കാത്തതിനെക്കുറിച്ചു പരാതി നല്കാന്‍ എത്തിയ സ്ത്രീകളോട് അപമര്യാദയായി പെരുമാറിയതിന് ദിനേശ് മൊഹാനിയയ്‌ക്കെതിരേയാണ് പരാതി നല്കിയിരിക്കുന്നത്. സന്‍ഗം വിഹാര്‍ മണ്ഡലത്തിലെ ജനപ്രതിനിധിയാണ് ദിനേശ് മൊഹാനിയ.
എംഎല്‍എയ്ക്ക് പരാതി നല്കാന്‍ എത്തിയ സ്ത്രീകളെ തള്ളി പുറത്താക്കുകയായിരുന്നു. ഇതേത്തുടര്‍ന്ന് സ്ത്രീകളും എംഎല്‍എയ്‌ക്കെതിരേ ബലപ്രയോഗം നടത്തി. ജല പ്രശ്‌നം ഉന്നയിച്ച് എംഎല്‍എയെ മുമ്പും കാണാന്‍ വന്നെങ്കിലും ഇതുവരെ ഫലം ലഭിച്ചില്ലെന്ന് സ്ത്രീകള്‍ പരാതിപ്പെട്ടു. ഡല്‍ഹി ജല വിഭവ ബോര്‍ഡ് ഉപാധ്യക്ഷനാണ് ദിനേശ് മൊഹാനിയ.
തിങ്കളാഴ്ച അഴിമതി നിരോധന സംഘം (ആന്റി കറപ്ഷന്‍ ബ്രാഞ്ച്) 400 കോടി രൂപയുടെ വാട്ടര്‍ ടാങ്ക് അഴിമതിയില്‍ എഫ്‌ഐആര്‍ രജിസ്റ്റര്‍ ചെയ്തതിനുപിന്നാലെയാണ് ഡല്‍ഹി സര്‍ക്കാരിനെ പ്രതിരോധത്തിലാക്കുന്ന അടുത്ത ആരോപണം വന്നിരിക്കുന്നത്.
Latest
ജപ്തി നടപടിക്കിടെ തീ കൊളുത്തി ആത്മഹത്യയ്ക്ക് ശ്രമിച്ച വീട്ടമ്മ മരിച്ചു
സ്ഥിരമായി നെഞ്ചെരിച്ചില്‍ ഉണ്ടോ! ഈ പഴം ഒന്ന് കഴിച്ചു നോക്കൂ
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
