Gulf
ഷാര്‍ജയിലും 35 ദിര്‍ഹം വിമാനത്താവള ഫീസ് വരുന്നു
ഷാര്‍ജ: ദുബൈക്ക് പിന്നാലെ ഷാര്‍ജയും 35 ദിര്‍ഹം വിമാനത്താവള ഫീസ് ചുമത്താന്‍ ഒരുങ്ങുന്നു. ഇതുമായി ബന്ധപ്പെട്ട നിര്‍ദേശത്തിന് ഷാര്‍ജ എക്‌സിക്യൂട്ടീവ് കൗണ്‍സില്‍ അംഗീകാരം നല്‍കി. ഷാര്‍ജ രാജ്യാന്തര വിമാനത്താവളത്തില്‍നിന്ന് പുറപ്പെടുന്ന യാത്രക്കാര്‍ക്കാണ് ഫീസ് ചുമത്തുക. ഷാര്‍ജ ഉപ ഭരണാധികാരിയും എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ശൈഖ് അബ്ദുല്ല ബിന്‍ സാലിം അല്‍ ഖാസിമിയുടെ അധ്യക്ഷതയില്‍ ചേര്‍ന്ന കൗണ്‍സില്‍ യോഗമാണ് ഇക്കാര്യത്തില്‍ തീരുമാനം കൈകൊണ്ടത്. വിമാനത്താവളംവഴി കടന്നുപോകുന്ന ട്രാന്‍സിറ്റ് യാത്രക്കാരും ഫീസ് നല്‍കേണ്ടി വരും.
രണ്ടു വര്‍ഷത്തില്‍ താഴെ രാജ്യത്ത് തങ്ങി മടങ്ങുന്നവരും വിമാനക്കമ്പനികളിലെ ജോലിക്കാരും ഫീസില്‍ നിന്ന് ഒഴിവാക്കിയവരില്‍ ഉള്‍പെടും. എന്നാല്‍ എന്ന് മുതലാണ് ഫീസ് ഈടാക്കി തുടങ്ങുകയെന്ന് അധികൃതര്‍ വ്യക്തമാക്കിയിട്ടില്ല. കഴിഞ്ഞ ആഴ്ചയായിരുന്നു വിമാനത്താവള വികസനം മുന്നില്‍ കണ്ട് ഫീസ് ചുമത്താന്‍ ദുബൈ തീരുമാനിച്ചത്. ദുബൈ കിരീടാവകാശിയും എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് അല്‍ മക്തൂമായിരുന്നു ഫീസ് ചുമത്താന്‍ ഉത്തരവിട്ടത്.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
