International
മഴ, വെള്ളപ്പൊക്കം; പാക്കിസ്ഥാനില്‍ 57 മരണം
ഇസ്‌ലാമാബാദ്: പാക്കിസ്ഥാന്റെ വടക്കു പടിഞ്ഞാറന്‍ പ്രദേശങ്ങളിലും പാക് അധീന കാശ്മീരിലുമുണ്ടായ കനത്ത മഴയെ തുടര്‍ന്നുണ്ടായ വെള്ളപ്പൊക്കത്തില്‍ 57 പേര്‍ മരിച്ചു. 27 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. കഴിഞ്ഞ ദിവസം രാത്രി ഖൈബര്‍ പക്തുന്‍ഖ്വ പ്രവിശ്യയിലുണ്ടായ കനത്ത മഴയെ തുടര്‍ന്നാണ് അഞ്ച് ജില്ലകളില്‍ വെള്ളപ്പൊക്കമുണ്ടായതെന്ന് പാക്കിസ്ഥാന്‍ ദുരന്തനിവാരണ സംഘം അറിയിച്ചു.
വെള്ളപ്പൊക്കം ഏറ്റവും രൂക്ഷമായി ബാധിച്ചത് ഷംഗ്‌ല ജില്ലയെയാണ്. ഇവിടെ 14 പേര്‍ മരിച്ചു. കോശിസ്ഥാനില്‍ 12 പേരും സ്വാതില്‍ എട്ട് പേരും മരിച്ചു. പാക് അധീന കാശ്മീരിലെ ഗില്‍ജിത്ത് ബലിസ്ഥാന്‍ മേഖലയില്‍ അഞ്ച് കുട്ടികളടക്കം എട്ട് പേര്‍ മരിച്ചിട്ടുണ്ട്. പ്രവിശ്യയുടെ വിവിധ ഭാഗങ്ങളില്‍ വെള്ളപ്പൊക്കത്തില്‍ നിരവധി വീടുകള്‍ക്ക് കേടുപാടുകള്‍ സംഭവിക്കുകയും പാലങ്ങള്‍ തകരുകയും ചെയ്തിട്ടുണ്ട്. നിരവധി കൃഷിയിടങ്ങളും വിളകളും മഴയില്‍ നശിച്ചിട്ടുണ്ട്. ഗില്‍ജിത്തിനെയും ചിലാസിനെയും തമ്മില്‍ ബന്ധിപ്പിക്കുന്ന കാരക്കോറം ഹൈവേ ഭാഗങ്ങള്‍ തകര്‍ന്നതിനാല്‍ പത അടച്ചിട്ടതായി റിപ്പോര്‍ട്ടുണ്ട്. മഴയെ തുടര്‍ന്ന് വെള്ളം കയറിയ പ്രദേശങ്ങളില്‍ വിദ്യാഭ്യാസ സ്ഥാപനങ്ങള്‍ക്ക് സര്‍ക്കാര്‍ അവധി നല്‍കി.
Latest
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
