Ongoing News
മെസിയുടെ 'വലിയ' ആരാധകന് സ്വപ്നസാഫല്യം
ലണ്ടന്‍: ഫുട്‌ബോളിലെ സൂപ്പര്‍ താരം ലയണല്‍ മെസിയുടെ ഏറ്റവും വലിയ ആരാധകന് എന്ന നിലയില്‍ സോഷ്യല്‍മീഡിയയില്‍ താരമായ അഞ്ച് വയസുകാരന്‍ മുര്‍തസ അഹ്മാദിക്ക് സ്വപ്നസാഫല്യം. അതേ, സാക്ഷാല്‍ മെസിയുടെ സ്‌നേഹസന്ദേശവും കൈയ്യൊപ്പും പതിഞ്ഞ അര്‍ജന്റൈന്‍ ജഴ്‌സി മുര്‍തസയെ തേടിയെത്തി.
Messi sent his 5 year old fan, Murtaza Ahmadi, a signed shirt and an autographed football. Dreams do come true.. pic.twitter.com/fU1wDDtTSa
— Leo Messi (@messi10stats) February 25, 2016
ഐക്യരാഷ്ട്രസഭയുടെ കുട്ടികള്‍ക്കായി പ്രവര്‍ത്തിക്കുന്ന യൂനിസെഫിന്റെ അഫ്ഗാന്‍ ശാഖ മുഖാന്തിരമാണ് ജഴ്‌സി മുര്‍തസയിലെത്തിയത്. മെസി യൂനിസെഫിന്റെ ബ്രാന്‍ഡ് അംബാസഡറാണ്.
പ്ലാസ്റ്റിക് കവര്‍ കൊണ്ട് രൂപകല്പന ചെയ്ത മെസിയുടെ അര്‍ജന്റൈന്‍ ജഴ്‌സിയണിഞ്ഞ മുര്‍തസയുടെ ചിത്രം കഴിഞ്ഞ മാസമാണ് സോഷ്യല്‍മീഡിയയില്‍ വൈറലായത്. ആഗോള മാധ്യമങ്ങള്‍ ഇതേറ്റെടുത്തു. മെസിയുടെ ഏറ്റവും വലിയ ആരാധകന് എന്ന വിശേഷണം മുര്‍തസക്ക് ചാര്‍ത്തിക്കൊടുത്തായിരുന്നു ഇത്.
സംഭവം മെസിയുടെ ശ്രദ്ധയിലെത്തി. ഈ ബാലന്‍ ഏതു രാജ്യക്കാരനാണെന്നത് വ്യക്തമല്ലായിരുന്നു.
ഇറാഖിലെ കുര്‍ദ് മേഖലയില്‍ നിന്നുള്ള ഫോട്ടായാണെന്നായിരുന്നു ഓണ്‍ലൈനിലെ അഭ്യൂഹം. എന്നാല്‍, ആസ്‌ത്രേലിയയില്‍ ജീവിക്കുന്ന മുര്‍തസയുടെ അമ്മാവന്‍ അസിം അഹ്മദിയാണ് ലോകം കാത്തിരുന്ന വെളിപ്പെടുത്തല്‍ നടത്തിയത്.
അഞ്ച് വയസുള്ള അഫ്ഗാനിസ്ഥാന്‍ ബാലനെ കണ്ടെത്തല്‍ സോഷ്യല്‍മീഡിയയെ പോലെ മെസിയുടെയും ആവശ്യകതയായി. തന്റെ വലിയ ആരാധകന് യഥാര്‍ഥ അര്‍ജന്റൈന്‍ ജഴ്‌സിയെത്തിക്കാന്‍ മെസി യൂനിസെഫിനെ കൂട്ടുപിടിച്ചു.
"I love Messi and my shirt says Messi loves me"
❤️..pic.twitter.com/POYdIbGhwe— Leo Messi (@messi10stats) February 25, 2016
മെസിയുടെ യഥാര്‍ഥ ജഴ്‌സി വാങ്ങിനല്‍കാന്‍ കാശില്ലാത്തതു കൊണ്ടാണ് മുര്‍തസയുടെ പിതാവ് ആരിഫ് അഹ്മാദി പ്ലാസ്റ്റിഗ് ബാഗ് കൊണ്ടുള്ള ജഴ്‌സി തയ്യാറാക്കി നല്‍കിയത്.
Latest
വയനാട് കമ്പമലയില് വീണ്ടും മാവോയിസ്റ്റ് സാന്നിധ്യം; തിരഞ്ഞെടുപ്പ് ബഹിഷ്കരിക്കാന് ആവശ്യപ്പെട്ടു
നിമിഷപ്രിയയെ കാണാന് മാതാവിന് അനുമതി; 11 വര്ഷങ്ങള്ക്കു ശേഷമുള്ള കൂടിക്കാഴ്ച
അബ്ദുർറഹീമിന്റെ മോചനം; പണം കൈമാറാനുള്ള നടപടി പുരോഗമിക്കുന്നു
പ്രചാരണത്തിന് ഇന്ന് തിരശ്ശീല വീഴും;നാളെ നിശബ്ദ പ്രചാരണം
ചെറുതല്ല ഈ മത്സരം
ഗസ്സാ യുദ്ധം 200ാം ദിനം; ക്രൂരതയുടെ ഞെട്ടിക്കുന്ന വിവരങ്ങൾ പുറത്ത്
