Kerala
ഇന്ന് പെട്രോള്‍ പമ്പുകള്‍ തുറക്കില്ല
കൊച്ചി: ഓള്‍ കേരള ഫെഡറേഷന്‍ ഓഫ് പെട്രോളിയം ട്രേഡേഴ്‌സിന് കീഴിലുളള സംസ്ഥാനത്തെ മുഴുവന്‍ പെട്രോള്‍ പമ്പുകളും ഇന്ന് അടച്ചിടുമെന്ന് ആള്‍ കേരള ഫെഡറേഷന്‍ ഓഫ് പെട്രോളിയം ട്രേഡേഴ്‌സ് പ്രസിഡന്റ് തോമസ് വൈദ്യന്‍ അറിയിച്ചു. ആലപ്പുഴ ചെങ്ങന്നൂര്‍ മുളക്കുഴ രേണു ഫ്യൂവല്‍സ് ഉടമ മുരളീധരന്‍ നായരെ ആക്രമിച്ചു കൊലപ്പെടുത്തിയതില്‍ പ്രതിഷേധിച്ചാണ് സമരം. രാവിലെ ആറ് മുതല്‍ വൈകീട്ട് ആറുവരെയാണ് പമ്പുകള്‍ അടച്ചിടുക. കേരളത്തിലെ പെട്രോള്‍ പമ്പുകളില്‍ ആക്രമണം നടത്തുന്നതും പണം കൊള്ളയടിക്കുന്നതും അടുത്ത കാലത്തായി നിത്യസംഭവമായിരിക്കുകയാണെന്ന് തോമസ് വൈദ്യന്‍ പറഞ്ഞു.സംഭവത്തിലെ പ്രതികളെ പോലീസ് പിടികൂടിയെങ്കിലും ഇത്തരം അനിഷ്ട സംഭവങ്ങള്‍ അടിക്കടി വര്‍ധിച്ചു വരികയാണ്. ആശുപത്രികളില്‍ സമാന രീതിയിലുളള ആക്രമണം വര്‍ധിച്ചപ്പോള്‍ നല്‍കിയ നിയമ സംരക്ഷണം പെട്രോള്‍ പമ്പുകള്‍ക്കും നല്‍കണം. മതിയായ നിയമ പരിരക്ഷ നല്‍കാന്‍ സര്‍ക്കാര്‍ തയ്യാറായില്ലെങ്കില്‍ രാത്രികളിലും ഞായറാഴ്ചകളിലും പെട്രോള്‍ പമ്പുകള്‍ തുറക്കില്ലെന്നും തോമസ് വൈദ്യന്‍ പറഞ്ഞു.
Latest
സംവിധായകന്‍ ജോഷിയുടെ വീട്ടില്‍ മോഷണം; ഒരു കോടിയുടെ വസ്തുക്കള്‍ കവര്‍ന്നു
ഇലോണ്‍ മസ്‌കിന്റെ ഇന്ത്യ സന്ദര്‍ശനം മാറ്റിവെച്ചു
അധികാരത്തില്‍ തിരിച്ചെത്തിയാല്‍ പുതിയ രൂപത്തില്‍ ഇലക്ടറല്‍ ബോണ്ട് തിരികെ കൊണ്ടുവരും; നിര്‍മ്മല സീതാരാമന്‍
സിഡിഎം വഴി അമ്മയുടെ അക്കൗണ്ടില്‍ കള്ളനോട്ട് നിക്ഷേപിച്ച മകനും ബന്ധുവും പിടിയില്‍
കണ്ണൂരില്‍ വീട്ടിലെ വോട്ടില്‍ കള്ളവോട്ട് നടന്നെന്ന് പരാതി
സംസ്ഥാനത്ത് സ്വര്‍ണ വിലയില്‍ നേരിയ ഇടിവ്
