Kozhikode
അപ്രഖ്യാപിത അടിയന്തരാവസ്ഥക്കെതിരെ രംഗത്തിറങ്ങുക: എസ് എസ് എഫ്
കോഴിക്കോട്: രാജ്യത്ത് അപ്രഖ്യാപിത അടിയന്തരാവസ്ഥ നടപ്പാക്കാനുള്ള കേന്ദ്രസര്‍ക്കാര്‍ നീക്കത്തിനെതിരെ ജനാധിപത്യ ശക്തികള്‍ കൂട്ടായ പ്രക്ഷോഭത്തിനിറങ്ങണമെന്ന് എസ് എസ് എഫ് സംസ്ഥാന സെക്രട്ടറിയേറ്റ് ആവശ്യപ്പെട്ടു. ജെ എന്‍ യു വിദ്യാര്‍ഥികളുടെ ജനാധിപത്യ സമരങ്ങളെ ദേശദ്രോഹ മുദ്രചാര്‍ത്തി അടിച്ചമര്‍ത്തുകയാണ് കേന്ദ്ര ഭരണകൂടം. സംഘ് പരിവാറിനോട് വിയോജിക്കുന്നവരെ കൊലപ്പെടുത്തിയും കള്ളക്കേസ് ചുമത്തി ജയിലിലടച്ചും നിശബ്ദരാക്കാനുള്ള നീക്കത്തിലൂടെ പൗരന്‍മാരുടെ ഭരണഘടനാപരമായ സ്വാതന്ത്ര്യം ഹനിക്കപ്പെടുകയാണ്. മഹാത്മാഗാന്ധി മുതല്‍ എം എസ് കല്‍ബുര്‍ഗി വരെയുള്ളവരെ കൊലപ്പെടുത്തിയ അതേ ഫാസിസ്റ്റ് ബോധമാണ് ജെ എന്‍ യുവിലെ വിദ്യാര്‍ഥികള്‍ക്കെതിരെയും പ്രയോഗിക്കപ്പെടുന്നത്. ഇന്ത്യന്‍ സ്വാതന്ത്ര്യ സമരത്തെ തള്ളിപ്പറഞ്ഞ് ബ്രിട്ടീഷനുകൂല നിലപാടെടുത്ത ആര്‍ എസ് എസില്‍ നിന്ന് രാജ്യസ്‌നേഹം പഠിക്കേണ്ട ദുര്‍ഗതി ഇന്ത്യന്‍ ജനതക്കില്ല. അന്യായമായി ജയിലിലടച്ച വിദ്യാര്‍ഥികളെമോചിപ്പിക്കാനും അവര്‍ക്കെതിരായ കള്ളക്കേസ് പിന്‍വലിക്കാനും കേന്ദ്ര സര്‍ക്കാര്‍ തയ്യാറാകണമെന്നും എസ് എസ് എഫ് ആവശ്യപ്പെട്ടു.
Latest
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
