Malappuram
പ്രവാസി യുവാവിന്റെ സമ്മാനത്തുക വൃക്ക രോഗിയായ യുവതിയുടെ ചികിത്സക്ക് കൈമാറി
ചങ്ങരംകുളം: വൃക്ക മാറ്റിവെക്കല്‍ ശസ്ത്രക്രിയക്ക് സഹായംതേടുന്ന യുവതിയുടെ ചികിത്സാ സഹായ നിധിയിലേക്ക് പ്രവാസി യുവാവിന് ലഭിച്ച സമ്മാനത്തുക കൈമാറി. യു എ ഇയിലെ സ്വകാര്യ കമ്പനിയില്‍ ജോലിചെയ്യുന്ന ഷാജഹാന്‍ ഹൈദര്‍ അലിയാണ് എഫ് എം റേഡിയോയിലെ എസ് എം എസ് മത്സരത്തില്‍ പങ്കെടുത്ത് ലഭിച്ച ഒരു ലക്ഷത്തോളം രൂപയും സുഹൃത്തുക്കളില്‍ നിന്നും സമാഹരിച്ച അന്‍പതിനായിരം രൂപയുംചേര്‍ത്ത് ഒന്നര ലക്ഷത്തോളം രൂപ യുവതിയുടെ ചികിത്സക്ക് കൈമാറിയത്.
മൂക്കുതല സ്വദേശിയായ ശബ്‌നയാണ് വൃക്ക രോഗം ബാധിച്ച് സഹായം തേടുന്നത്.
മാതാവ് നേരത്തെ വൃക്ക രോഗം ബാധിച്ച് മരിക്കുകയും പിതാവ് വേറെ വിവാഹം കഴിക്കുകയും ചെയ്തതോടെ ശബ്‌നയും സഹോദരനും മാതാവിന്റെ സഹോദരിയുടെ സംരക്ഷണത്തിലാണ്. നേരിട്ട് കാണുകയോ മുന്‍പരിചയമോ ഇല്ലാത്ത ശബ്‌നക്കുവേണ്ടി നാട്ടിലുള്ള സുഹൃത്തുക്കള്‍ ചികിത്സാ സഹായം നല്‍കണമെന്ന് ഷാജഹാനോട് ആവശ്യപ്പെട്ടിരുന്നു. ഇതിനെ തുടര്‍ന്ന് തനിക്ക് സമ്മാനമായി കിട്ടിയ തുക മുഴുവന്‍ യുവതിയുടെ ചികിത്സക്ക് നല്‍കാമെന്ന് തീരുമാനിക്കുകയായിരുന്നു. സമ്മാനമായി ലഭിച്ച 5000 ദിര്‍ഹവും സുഹൃത്തുക്കളില്‍ നിന്നും ലഭിച്ച സംഖ്യയും യുവതിക്ക് നല്‍കി. ഷാജഹാന്‍ വിദേശത്തായതിനെ തുടര്‍ന്ന് യൂത്ത് കോണ്‍ഗ്രസ് സംസ്ഥാന സെക്രട്ടറി സിദ്ദീഖ് പന്താവൂര്‍, ഷാജഹാന്റെ മാതാവ് കുഞ്ഞിമോള്‍, സഹോദരി റുഖിയ, സുഹൃത്തായ അമൃത എന്നിവര്‍ ശബ്‌നയുടെ വീട്ടിലെത്തിയാണ് തുക കൈമാറിയത്.
Latest
മാസപ്പടി കേസ്; മുഖ്യമന്ത്രിയുടെ പങ്ക് വ്യക്തമാക്കുന്ന തെളിവുകള്‍ ഹാജരാക്കാതെ മാത്യു കുഴല്‍നാടന്‍
അരുണാചല്‍പ്രദേശില്‍ വന്‍ ഉരുള്‍പ്പൊട്ടല്‍
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
