Gulf
കന്നുകാലി ചന്തയില്‍ പരിശോധന; നിയമലംഘനം കണ്ടെത്തി
ദോഹ: ദോഹയിലെ കന്നുകാലി ചന്തയില്‍ സാമ്പത്തിക മന്ത്രാലയം നിരവധി നിയമലംഘനങ്ങള്‍ പിടികൂടി. ദോഹയിലെ കന്നുകാലികളെയും കാലിത്തീറ്റയും വില്‍ക്കുന്ന കടകളില്‍ നടത്തിയ പരിശോധനയില്‍ ഒമ്പത് നിയമലംഘനങ്ങളാണ് കണ്ടെത്തിയത്.
ഉപഭോക്താക്കള്‍ക്ക് ബില്‍ നല്‍കാത്തതും വില്‍പ്പനക്ക് വെച്ച തീറ്റയുടെയും മൃഗങ്ങളുടെയും വില പ്രഖ്യാപിക്കാത്തതും കണ്ടെത്തിയിട്ടുണ്ട്. “ഒരിക്കല്‍ വിറ്റ ചരക്കുകള്‍ തിരിച്ചെടുക്കുകയോ മാറ്റിനല്‍കുകയോ ചെയ്യില്ല” എന്ന നിയമവിരുദ്ധ കുറിപ്പ് അടങ്ങിയ ബില്‍ കണ്ടെത്തിയിട്ടുണ്ട്. നിശ്ചിത സമയപരിധിക്കുള്ളില്‍ വിറ്റ സാധനങ്ങള്‍ തിരിച്ചുനല്‍കാനും മാറ്റിനല്‍കാനും അവകാശം നല്‍കുന്ന നിയമത്തിന്റെ ലംഘനമാണ് ഇതെന്ന് അധികൃതര്‍ അറിയിച്ചു. കച്ചവട സ്ഥാപനങ്ങള്‍ താത്കാലികമായി അടക്കാനോ 3000 മുതല്‍ പത്ത് ലക്ഷം വരെ റിയാല്‍ പിഴയോ ഈടാക്കാന്‍ അധികാരം നല്‍കുന്നതാണ് ഇത്തരം നിയമലംഘനങ്ങള്‍. നിയമലംഘനങ്ങള്‍ അറിയിക്കണമെന്ന് അധികൃതര്‍ ഓര്‍മപ്പെടുത്തി.
Latest
കിര്‍ഗിസ്ഥാനില്‍ തണുത്തുറഞ്ഞ വെള്ളച്ചാട്ടത്തില്‍ അകപ്പെട്ട് ഇന്ത്യക്കാരനായ മെഡിക്കല്‍ വിദ്യാര്‍ഥി മരിച്ചു
ഗള്‍ഫ് കര്‍ണാടക രത്ന അവാര്‍ഡുകളുടെ രണ്ടാം പതിപ്പ് സെപ്റ്റംബര്‍ 8-ന് ദുബൈയില്‍
രേഖകള്‍ പുറത്തുവിട്ടു; അനില്‍ ആന്റണിക്കെതിരായ ആരോപണങ്ങള്‍ ആവര്‍ത്തിച്ച് നന്ദകുമാര്‍
കളമശ്ശേരി സ്‌ഫോടനം: കുറ്റപത്രം സമര്‍പ്പിച്ചു
ഭിന്നിപ്പിന്റെ പ്രസ്താവനകള്‍ അവസാനിപ്പിക്കണം; കാന്തപുരം
വിവരാവകാശ റിപോര്‍ട്ട് കിട്ടിയില്ല; റോഡില്‍ നിന്ന് പ്രതിഷേധിച്ച് ഐ സി യു പീഡനക്കേസിലെ അതിജീവിത
