Kozhikode
ദശദിന ഖുര്‍ആന്‍ പ്രഭാഷണത്തിന് സമാപനം
മുക്കം: എസ് വൈ എസ് കൊടിയത്തൂര്‍ സര്‍ക്കിള്‍ കമ്മിറ്റി ആഭിമുഖ്യത്തില്‍ പത്ത് ദിവസമായി ചെറുവാടി ഗ്രാമപഞ്ചായത്ത് സ്റ്റേഡിയത്തില്‍ നടന്നുവന്ന ദശദിന ഖുര്‍ആന്‍ പ്രഭാഷണത്തിന് സമാപ്തിയായി. സിറാജ് മാനേജിംഗ് എഡിറ്റര്‍ എന്‍ അലി അബ്ദുല്ലയുടെ അധ്യക്ഷതയില്‍ അഡ്വ. എ കെ ഇസ്മാഈല്‍ വഫ ഉദ്ഘാടനം ചെയ്തു. “മണ്ണായിപ്പോയെങ്കിലെന്ന് മോഹിക്കുന്ന നാള്‍” എന്ന വിഷയത്തില്‍ ശാഫി സഖാഫി മുണ്ടമ്പ്ര പ്രഭാഷണവും സമാപന പ്രാര്‍ഥനയും നടത്തി. വിവിധ ദിനങ്ങളില്‍ കാന്തപുരം എ പി അബൂബക്കര്‍ മുസ്‌ലിയാര്‍, സയ്യിദ് ഇബ്‌റാഹിം ഖലീലുല്‍ ബുഖാരി, ഡോ. ഇ എന്‍ അബ്ദുല്ലത്വീഫ്, പ്രൊഫ. എ കെ അബ്ദുല്‍ ഹമീദ്, വി എം കോയ മാസ്റ്റര്‍ അനുഗ്രഹ പ്രഭാഷണം നടത്തി. കൊടിയത്തൂര്‍ സര്‍ക്കിളിലെ വിവിധ യൂനിറ്റുകളില്‍ നിന്ന് ഈ വര്‍ഷം ഹിഫഌ പഠനം പൂര്‍ത്തീകരിച്ച എട്ട് ഹാഫിളുകള്‍ക്ക് ചടങ്ങില്‍ ഉപഹാരങ്ങളും കാഷ് അവാര്‍ഡും വിതരണം ചെയ്തു. ഡോ. എം അബ്ദുല്‍ അസീസ് ഫൈസി, ഇ യഅ്ഖൂബ് ഫൈസി, കീലത്ത് മുഹമ്മദ് മാസ്റ്റര്‍, പി ടി സി മുഹമ്മദലി മാസ്റ്റര്‍ സംബന്ധിച്ചു. ടി പി മുഹമ്മദ് കുട്ടി സഖാഫി സ്വാഗതവും കെ പി അബ്ദുര്‍റഹ്മാന്‍ നന്ദിയും പറഞ്ഞു.
Latest
ദല്ലാള്‍ നന്ദകുമാറില്‍ നിന്ന് പണം വാങ്ങിയിരുന്നു; കൈപ്പറ്റിയത് അക്കൗണ്ട് വഴി: ശോഭ സുരേന്ദ്രന്‍
ട്രെയിനില്‍ വനിതാ ടി ടി ഇക്ക് നേരെ കൈയേറ്റ ശ്രമം; പ്രതിയെ പിടികൂടി
ചങ്ങരംകുളത്ത് യുവാവിനെ റോഡരികില്‍ മരിച്ച നിലയില്‍ കണ്ടെത്തി
കിര്‍ഗിസ്ഥാനില്‍ തണുത്തുറഞ്ഞ വെള്ളച്ചാട്ടത്തില്‍ അകപ്പെട്ട് ഇന്ത്യക്കാരനായ മെഡിക്കല്‍ വിദ്യാര്‍ഥി മരിച്ചു
ഗള്‍ഫ് കര്‍ണാടക രത്ന അവാര്‍ഡുകളുടെ രണ്ടാം പതിപ്പ് സെപ്റ്റംബര്‍ 8-ന് ദുബൈയില്‍
രേഖകള്‍ പുറത്തുവിട്ടു; അനില്‍ ആന്റണിക്കെതിരായ ആരോപണങ്ങള്‍ ആവര്‍ത്തിച്ച് നന്ദകുമാര്‍
