Sports
ബാഴ്‌സലോണക്ക് ജയം
മാഡ്രിഡ്: സ്പാനിഷ് കോപ്പ ഡെല്‍ റേ കപ്പിന്റെ ആദ്യപാദ ക്വാര്‍ട്ടറില്‍ ബാഴ്‌സലോണക്ക് ജയം. ഒന്നിനെതിരെ രണ്ട് ഗോളുകള്‍ക്ക് അത്‌ലറ്റിക് ബില്‍ബാവോയെയാണ് ബാഴ്‌സ കീഴടക്കിയത്. പരുക്കേറ്റ സൂപ്പര്‍ താരം ലയണല്‍ മെസിയും സസ്‌പെന്‍ഷനിലായ ലൂയി സുവാരസും ഇല്ലാതെയാണ് ബാഴ്‌സ ഇറങ്ങിയത്. 18 ാം മിനുട്ടില്‍ മുനിര്‍ എല്‍ ഹദാദിയുടെ ഗോളില്‍ ബാഴ്‌സയാണ് സ്‌കോറിംഗിന് തുടക്കമിട്ടത്. 24 ാം മിനുട്ടില്‍ സൂപ്പര്‍ താരം നെയ്മറിന്റെ ഗോളിലൂടെ ബാഴ്‌സ ലീഡുയര്‍ത്തി. സീസണില്‍ 29 മത്സരങ്ങള്‍ കളിച്ച നെയ്മറുടെ 21ാം ഗോളായിരുന്നു ഇത്. 89ാം മിനുട്ടില്‍ അരിറ്റസ് അദുരിസ് ബില്‍ബാവൊയുടെ ആശ്വാസ ഗോള്‍ നേടി. കഴിഞ്ഞ വര്‍ഷം അത്‌ലറ്റിക്കോ ബില്‍ബാവോയെ ഫൈനലില്‍ തോല്‍പ്പിച്ചാണ് ബാഴ്‌സലോണ കോപ ഡെല്‍ റേ കിരീടം നേടിയത്. ലാ ലിഗയില്‍ ഒന്നാം സ്ഥാനത്ത് തുടരുന്ന അത്‌ലറ്റിക്കോ മാഡ്രിഡ്് ആദ്യ പാദത്തില്‍ സമനില വഴങ്ങി. അത്‌ലറ്റികോയെ സെല്‍റ്റ ഡി വിഗോ ഗോള്‍രഹിത സമനിലയില്‍ തളക്കുകയായിരുന്നു.
Latest
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
