Ongoing News
കൈവിട്ട ഒന്നാം സ്ഥാനം തിരികെപ്പിടിച്ച് കൊട്ടുക്കര
തിരുവനന്തപുരം: അവര്‍ക്ക് ഇതൊരു മധുര പ്രതികാരമായിരുന്നു. കഴിഞ്ഞവര്‍ഷം നഷ്ടപ്പെട്ട ഒന്നാം സ്ഥാനം ദഫില്‍ തിരിച്ച് പിടിച്ചപ്പോള്‍ ആഹ്ലാദം ആകാശം മുട്ടി. ഹയര്‍സെക്കന്‍ഡറി വിഭാഗം ദഫ്മുട്ടില്‍ വിജയം കൈവരിച്ച സന്തോഷത്തിലാണ് മലപ്പുറം ജില്ലയിലെ പി പി എം എച്ച് എസ് എസ് കൊട്ടുക്കര. നാലാം തവണയാണ് സംസ്ഥാന തലത്തില്‍ സ്‌കൂള്‍ ദഫില്‍ ചാമ്പ്യന്‍മാരാകുന്നത്. കഴിഞ്ഞ തവണ രണ്ടാം സ്ഥാനത്തേക്ക് പിന്തണപ്പെട്ടെങ്കിലും ഇത്തവണ അത് തിരിച്ച് പിടിക്കാന്‍ സ്‌കൂളിന് സാധിച്ചു. 10 വര്‍ഷമായി ദഫില്‍ മലപ്പുറത്തെ പ്രതിനിധീകരിച്ച് കൊട്ടുകര പങ്കെടുത്ത് വരുകയാണ്. കഴിഞ്ഞ 15 വര്‍ഷമായി കോയാ കാപ്പാടിന്റെ ശിക്ഷണത്തിലാണ് സ്‌കൂളില്‍ ദഫ്മുട്ട് അരങ്ങേറുന്നത്. രിഫായി ബൈത്തില്‍ ശൈദില്ലാ അബ്ദുല്‍ ഖാദിര്‍… എന്ന് തുടങ്ങുന്ന ഈരടികള്‍ക്കാണ് ഇവര്‍ വേദിയില്‍ കൊട്ടികയറിയത്. മുഹമ്മദ് സാബിത്താണ് ടീം ലീഡര്‍. ഹയര്‍ സെക്കന്‍ഡറി വിഭാഗം, ഒപ്പന, ഹൈസ്‌കൂള്‍ വിഭാഗം കോല്‍ക്കളി, ഹൈസ്‌കൂള്‍, ഹയര്‍സെക്കന്‍ഡറി വിഭാഗം വട്ടപ്പാട്ട്, ഹൈസ്‌കൂള്‍ വിഭാഗം ദഫ്മുട്ട് എന്നിവയില്‍ സ്‌കൂളിലെ വിദ്യാര്‍ഥികള്‍ ഇനി മത്സരിക്കാനുണ്ട്.
Latest
ബെംഗളൂരു ജയിച്ചു
ഇ കെ നേതൃത്വത്തിന്റെ നിര്ദേശം ലംഘിച്ച് ബഹാഉദ്ദീന് നദ്വി
മാലിന്യമുക്ത തിരഞ്ഞെടുപ്പ് പ്രാവര്ത്തികമാക്കാന് കേരളം
പുഴയിലെ മലിന ജലത്തില് മുങ്ങിക്കുളിച്ച് സ്ഥാനാര്ഥി
സൈക്കിൾ കോട്ട തിരിച്ചുപിടിക്കുക ദൗത്യം
ഇ പി ജയരാജന് ബി ജെ പിയിലേക്ക് പോകാന് ചര്ച്ച നടത്തി: കെ സുധാകരന്
