Uae
ബാഡ്മിന്റണ്‍ ചാമ്പ്യന്‍ഷിപ്പ് തുടങ്ങി
അബുദാബി: അബുദാബി ഇന്ത്യാ സോഷ്യല്‍ സെന്ററില്‍ യു എ ഇ ഓപ്പണ്‍ ബാഡ്മിന്റണ്‍ ചാമ്പ്യന്‍ഷിപ്പ് തുടങ്ങി. യു എ ഇയിലെ കളിക്കാര്‍ക്കായുള്ള സൂപ്പര്‍ സീരീസും ലോകരാജ്യങ്ങളില്‍ നിന്നുള്ള കളിക്കാര്‍ക്കായുള്ള എലൈറ്റ് സീരീസും നടക്കുന്നു. എലൈറ്റ് സീരീസില്‍ വിവിധ അന്താരാഷ്ട്ര മത്സരങ്ങളില്‍ വിജയികളായ ഏഴ് താരങ്ങളാണ് പങ്കെടുക്കുക. അനൂപ് ശ്രീധര്‍, രൂപേഷ് കുമാര്‍, ചിരാഗ് ഷെട്ടി, ശിവം ശര്‍മ, എം ആര്‍ അര്‍ജുന്‍, സിദ്ധാര്‍ത്ഥ് താക്കൂര്‍, ഹര്‍ഷിത് അഗര്‍വാള്‍ വന്നിവരാണ് ഇന്ത്യന്‍ താരങ്ങള്‍. ഇവര്‍ക്ക് പുറമെ ഇന്തോനേഷ്യന്‍ താരമായ ഫിക്രി ഹദ്മാദി, മലേഷ്യന്‍ താരങ്ങളായ മുഹമ്മദ് ഹാഫിസ് ബിന്‍ ഹാഷിം, മുഹമ്മദ് റാഫി ബിന്‍ ലത്തീഫ്, മുഹമ്മദ് ഹഫിസി ബിന്‍ ഹാഷിം, മുഹമ്മദ് സക്രി ബിന്‍ ലത്തീഫ്, പാകിസ്താന്‍ താരങ്ങളായ അതീഖ് മുഹമ്മദ്, സായിദ് ഷാബെര്‍ ഹുസൈന്‍, മുറാദ് അലി, അവൈസ് സാഹിദ് എന്നിവര്‍ അണിനിരക്കും. ജനവരി 22 വരെ മത്സരങ്ങള്‍ നീണ്ടുനില്‍ക്കും. ഒരു ലക്ഷത്തോളം ദിര്‍ഹത്തിന്റെ കാഷ് അവാര്‍ഡാണ് സമ്മാനം. ചാമ്പ്യന്‍ഷിപ്പിന്റെ ഉദ്ഘാടനം ഇന്ത്യാ സോഷ്യല്‍ സെന്റര്‍ ആക്ടിങ് പ്രസിഡന്റ് രാജാ ബാലകൃഷ്ണ നിര്‍വഹിച്ചു. ജനറല്‍ സെക്രട്ടറി എം എ സലാം, മാനേജ്‌മെന്റ് കമ്മിറ്റിയംഗങ്ങള്‍, പരിപാടിയുടെ സ്‌പോണ്‍സര്‍മാര്‍ തുടങ്ങിയവര്‍ ചടങ്ങില്‍ സംബന്ധിച്ചു.
Latest
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
പാട്‌നയില്‍ ഹോട്ടലില്‍ തീപ്പിടുത്തം ; ആറു പേര്‍ മരിച്ചു
കെ സുധാകരന് തന്നോട് പക ; ഇപി ജയരാജന്‍
ഹോര്‍ലിക്‌സ് ഇനി ഫംഗ്ഷണല്‍ ന്യൂട്രീഷ്യന്‍ ഡ്രിങ്ക്സ്; ഹിന്ദുസ്ഥാന്‍ യൂണിലിവര്‍
മുബൈയില്‍ രണ്ടു കുട്ടികളെ കാറില്‍ മരിച്ച നിലയില്‍ കണ്ടെത്തി
പൂക്കോട് വെറ്ററിനറി സര്‍വ്വകലാശാല മുന്‍വിസിയുടെ സസ്‌പെന്‍ഷന്‍; ഗവര്‍ണറുടെ നടപടി ശരിവച്ച് ഹൈക്കോടതി
