Kerala
എല്‍ ഡി എഫിനെ പഴിക്കുന്നത് ജാള്യത മറയ്ക്കാന്‍: വൈക്കം വിശ്വന്‍
തിരുവനന്തപുരം: കനത്ത പരാജയം ഏറ്റുവാങ്ങിയിട്ടും അതംഗീകരിക്കാതെ എല്‍ ഡി എഫ് കുതിരക്കച്ചവടം നടത്തുന്നുവെന്ന കെ പി സി സി പ്രസിഡന്റിന്റെ ആരോപണം സ്വാനുഭവം പങ്കുവെക്കുന്നതായി മാത്രമേ കാണാന്‍ കഴിയൂവെന്ന് എല്‍ ഡി എഫ് കണ്‍വീനര്‍ വൈക്കം വിശ്വന്‍. തദ്ദേശ സ്ഥാപനങ്ങളിലെ അധ്യക്ഷ പദവികളിലേക്കുള്ള തിരഞ്ഞെടുപ്പ് പൂര്‍ത്തിയായപ്പോള്‍ സമസ്ത മേഖലകളിലും എല്‍ ഡി എഫ് ആധിപത്യം വ്യക്തമായിരിക്കുകയാണ്. ആറ് കോര്‍പറേഷനുകളില്‍ അഞ്ചും എല്‍ ഡി എഫ് നേടി. പൊതുവെ യു ഡി എഫ് ആധിപത്യം പുലര്‍ത്താറുള്ള മുനിസിപ്പാലിറ്റികളിലും വന്‍ വിജയം നേടി. യു ഡി എഫ് അധികാരത്തില്‍ എത്താന്‍ പാകത്തില്‍ 28 മുനിസിപ്പാലിറ്റികള്‍ രൂപവത്കരിച്ചിട്ട് പോലും ഭൂരിപക്ഷം മുനിസിപ്പാലിറ്റികളും നേടാനായില്ല. ഗ്രാമപഞ്ചായത്തുകളിലും ബ്ലോക്ക് പഞ്ചായത്തുകളിലും ഏതാണ്ട് മൂന്നില്‍ രണ്ടിടത്തും എല്‍ ഡി എഫ് അധികാരത്തില്‍ എത്തി. ഏഴ് ജില്ലാ പഞ്ചായത്തുകളില്‍ വന്‍ ഭൂരിപക്ഷത്തോടെയാണ് എല്‍ ഡി എഫ് അധികാരത്തിലെത്തിയത്. യു ഡി എഫിന് അധികാരം നേടാന്‍ പാകത്തില്‍ രൂപവത്കരിച്ച കണ്ണൂര്‍ കോര്‍പറേഷനില്‍ പോലും അധികാരം കിട്ടിയില്ല. അതിന്റെയെല്ലാം ജാള്യത മറയ്ക്കാനാണ് എല്‍ ഡി എഫിനെ പഴിക്കുന്നതെന്നും വൈക്കം വിശ്വന്‍ വാര്‍ത്താക്കുറിപ്പില്‍ പറഞ്ഞു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
