Wayanad
സംസ്ഥാനത്തെ ആദ്യ പട്ടിക വര്‍ഗ നഗരസഭ ചെയര്‍മാനായി പ്രവിജ് ഇന്ന് സ്ഥാനമേല്‍ക്കും
മാനന്തവാടി: നഗരസഭ ചെയര്‍മാന്‍ സ്ഥാനം പട്ടിക വര്‍ഗര്‍ക്കായി സംവരണം ചെയ്ത ശേഷമുള്ള ആദ്യ തിരഞ്ഞെടുപ്പ് കഴിഞ്ഞതോടെ സംസ്ഥാനത്തെ ആദ്യ പട്ടിക വര്‍ഗ നഗരസഭാ ചെയര്‍മാനായി മാനന്തവാടി നഗരസഭയില്‍ ഇന്ന് വി ആര്‍ പ്രവീജ് സ്ഥാനമേല്‍ക്കും.
കണിയാരം വാര്‍ഡില്‍ നിന്നും തിരഞ്ഞെടുക്കപ്പെട്ട പ്രവീജ് 21-ാം വയസ് മുതലാണ് രാഷ്ട്രീയ രംഗത്ത് പ്രവര്‍ത്തിക്കാന്‍ തുടങ്ങിയത്. വീട്ടിലാരും തന്നെ രാഷ്ട്രീയ രംഗത്ത് പ്രവര്‍ത്തിച്ചിട്ടില്ല. ഡി വൈ എഫ് ഐ മേഖലാ കമ്മിറ്റിയംഗം, കുറ്റിമൂല ബ്രാഞ്ച് കമ്മിറ്റിയംഗം, എ കെ എസ് കണിയാരം വില്ലേജ് സെക്രട്ടറി എന്നീ നിലകളില്‍ പ്രവര്‍ത്തിച്ചു വരികയാണ്.
ഓട്ടോ മൊബൈല്‍ ഡിപ്ലോമ കോഴ്‌സ് പൂര്‍ത്തിയാക്കിയ പ്രവീജ് തിരുവനന്തപുരത്തെ സ്വകാര്യ സ്ഥാപനത്തില്‍ മെക്കാനിക്കായി ജോലി ചെയ്തിട്ടുണ്ട്. ദ്വാരക ടെക്‌നിക്കല്‍ സ്‌കൂള്‍ അധ്യാപകന്‍ കുറ്റിമൂല വെള്ളോട്ടില്‍ രാമന്റെ മകനാണ്.
കുറിച്യ വിഭാഗത്തില്‍പ്പെട്ട പ്രവീജ് സംസ്ഥാനത്ത് തന്നെ പ്രായം കുറഞ്ഞ നഗരസഭ ചെയര്‍മാന്‍മാരില്‍ ഒരാള്‍ കൂടിയായിരിക്കും.
സംസ്ഥാനത്ത് മറ്റു മുനിസിപ്പാലിറ്റികളില്‍ ഒന്നും തന്നെ നഗരസഭ ചെയര്‍മാന്‍ സ്ഥാനം പട്ടികവര്‍ഗ വിഭാഗത്തിന് സംവരണം ചെയ്യപ്പെട്ടിട്ടില്ലാത്തതിനാല്‍ തന്നെ പ്രവീജിന്റെ സ്ഥാനം ഏറെ ശ്രദ്ധയാകര്‍ഷിക്കുന്നതാണ്. മാതാവ് പരേതനായ അമ്മിണി. സഹോദരങ്ങള്‍: പ്രശാന്ത്, പ്രസാദ്, പ്രസീത.
Latest
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
