Kasargod
കോരന്‍ മാസ്റ്റര്‍ ഓര്‍മയായി
ചെറുവത്തൂര്‍: അധിനിവേശത്തിനെതിരെ പടപൊരുതിയ കയ്യൂര്‍ സമര സേനാനി കുട്ടമത്തെ കെ കോരന്‍ മാസ്റ്റര്‍ക്ക് നാടിന്റെ അന്ത്യാഞ്ജലി.
ഇന്നലെ രാവിലെ എട്ടോടെ നീലേശ്വരം തേജസ്വിസി ആസ്പത്രിയില്‍ നിന്നും നാട്ടിലെത്തിച്ച മൃതദേഹം പൊന്‍മാലം യങ്‌മെന്‍സ് ക്ലബ്ബില്‍ പൊതുദര്‍ശനത്തിന് വെച്ചു. നാടിന്റെ നാനാ തുറകളില്‍ നിന്നെത്തിയവര്‍, സാംസ്‌കാരിക, രാഷ്ട്രീയ പ്രവര്‍ത്തകര്‍, ജനപ്രതിനിധികള്‍ തുടങ്ങിയവര്‍ ഭൗതികദേഹത്തില്‍ അന്ത്യോപചാരമര്‍പ്പിച്ചു.
രാഷ്ട്രീയ സാംസ്‌കാരിക മേഖലയിലെ സാന്നിധ്യമായിരുന്ന ഇദ്ദേഹത്തിന്റെ ഭൗതികദേഹം അവസാനമായി കാണാന്‍ നുറുകണക്കിന് പ്രദേശവാസികള്‍ രാവിലെ തന്നെയെത്തിയിരുന്നു. പി കരുണാകരന്‍ എംപി, തഹസില്‍ദാര്‍ വൈ എം സി സുകുമാരന്‍, മുന്‍ എം എല്‍ എ. കെ പി കുഞ്ഞിക്കണ്ണന്‍, കരിമ്പില്‍ കൃഷ്ണന്‍, പി എ നായര്‍, എ കെ നാരായണന്‍, സി കൃഷ്ണന്‍ എംഎല്‍എ, പി രാഘവന്‍, അഡ്വ. പി അപ്പുക്കുട്ടന്‍, എം വി കോമന്‍ നമ്പ്യാര്‍, കെ ബാലകൃഷ്ണന്‍, നീലേശ്വരം നഗരസഭ ചെയര്‍പേഴ്‌സണ്‍ വി ഗൗരി, പഞ്ചായത്ത് പ്രസിഡന്റുമാരായ എം ബാലകൃഷ്ണന്‍, സി കാര്‍ത്യായനി, എ വി രമണി, സി കുഞ്ഞികൃഷ്ണന്‍ തുടങ്ങിയവര്‍ അന്തിമോപചാരമര്‍പ്പിച്ചു. പൊതുദര്‍ശനത്തിന് ശേഷം വീട്ടിലെത്തിലെത്തിക്കുകയും പിന്നീട് കുട്ടമത്ത് പൊതുശ്മശാനത്തില്‍ സംസ്‌കരിക്കുകയും ചെയ്തു.
സാമ്രാജ്യ വിരുദ്ധ പോരാട്ടത്തിന്റെ ഭാഗമായി നാല് പേര്‍ കഴുമരമേറിയ വീര സമര ചരിത്രത്തിലെ അവസാനത്തെ കണ്ണിയായിരുന്നു അന്തരിച്ച കെ കോരന്‍ മാസ്റ്റര്‍.
സംസ്‌കാരത്തിന് ശേഷം നടന്ന അനുശോചന യോഗത്തില്‍ സിപിഎം ചെറുവത്തൂര്‍ ഏരിയ സെക്രട്ടറി കെ പി വത്സലന്‍ അധ്യക്ഷനായി. കെ കുഞ്ഞിരാമന്‍ എംഎല്‍എ, സിപിഎം സംസ്ഥാന കമ്മിറ്റിയംഗം എം വി ബാലകൃഷ്ണന്‍, ജില്ല സെക്രട്ടറി കെ പി സതീഷ്ചന്ദ്രന്‍, എം രാജഗോപാലന്‍, പി ജനാര്‍ദനന്‍, വി പി പി മുസ്തഫ, പ്രകാശന്‍, പി എ നായര്‍, പി ദാമോദരന്‍, ഗംഗന്‍ അഴീക്കോട്, പി ടി കരുണാകരന്‍ എന്നിവര്‍ പ്രസംഗിച്ചു. വി ചന്ദ്രന്‍ സ്വാഗതം പറഞ്ഞു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
