Kerala
2005ലെ ഭൂനിയമ ഭേദഗതി ഹൈകോടതി ഭാഗികമായി റദ്ദാക്കി
കൊച്ചി: 10 ഏക്കര്‍വരെയുള്ള ഭൂമിക്ക് പട്ടയം നല്‍കാമെന്ന 2005ലെ ഭൂനിയമ ഭേദഗതി ഹൈകോടതി ഭാഗികമായി റദ്ദാക്കി. ഭൂപരിഷ്‌കരണ നിയമം 7(ഇ)ല്‍ കൊണ്ടുവന്ന ഭേദഗതിയില്‍, പത്ത് ഏക്കര്‍ വരെ മിച്ചഭൂമി കൈവശം വെച്ചവര്‍ക്ക് ആ ഭൂമിയുടെ കൈവശാവകാശവും പട്ടയവും ലഭിക്കുമായിരുന്നു. കെ എം മാണി റവന്യൂ മന്ത്രിയായിരിക്കെയാണ് 2005ല്‍ ഭൂനിയമ ഭേദഗതി കൊണ്ടുവന്നത്. സീറോ ലാന്‍ഡ് പദ്ധതിയില്‍ ആവശ്യമായ ഭൂമി ലഭിക്കുന്നില്ലെന്ന പരാതി ഉണ്ടായപ്പോള്‍ 2012ല്‍ ഈ പത്ത് ഏക്കറിന്റെ പരിധി സര്‍ക്കാര്‍ നാല് ഏക്കറായി കുറച്ചു. ഭേദഗതി വന്നതോടെ നിരവധിപേര്‍ കോടതിയെ സമീപിക്കുകയായിരുന്നു. ഈ കേസിലാണു ഹൈകോടതിയുടെ വിധി.
എന്നാല്‍ ഭൂ ഉടമ പിന്തുടര്‍ച്ച പ്രകാരം ബന്ധുക്കള്‍ക്കു കൈമാറിയ ഭൂമിക്ക് ഈ ഇളവ് ബാധകമല്ലെന്ന് ഭൂനിയമ ഭേദഗതി റദ്ദാക്കിക്കൊണ്ട് ഹൈകോടതി വ്യക്തമാക്കി. മറ്റുള്ളവര്‍ക്ക് ബന്ധുക്കള്‍ കൈമാറിയ ഭൂമിക്കും ഈ നിയമഭേദഗതി ബാധകമാകില്ല. എന്നാല്‍ സ്വകാര്യ വ്യക്തിക്ക് രജിസ്റ്റര്‍ ചെയ്ത് നല്‍കിയ നാല് ഏക്കര്‍ വരെയുള്ള ഭൂമിക്ക് മാത്രം ഭേദഗതി ബാധകമായിരിക്കുമെന്നും കോടതി അറിയിച്ചു.
Latest
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
