National
ബാലപീഡനത്തിനെതിരെ വിദ്യാര്‍ഥിയുടെ സൈക്കിള്‍ യാത്ര
ന്യൂഡല്‍ഹി: ബാലപീഢനം തടയുകയെന്ന സന്ദേശവുമായി ആര്‍ സി എഫ് ഐ വളണ്ടിയര്‍ ഷാഹിദ് മുഹമ്മദിന്റെ സൈക്കിള്‍യാത്ര ഇന്ന് കന്യാകുമാരിയില്‍ നിന്ന് ആരംഭിക്കും. കോഴിക്കോട് കുറ്റിക്കാട്ടൂര്‍ കോയക്കുട്ടിയുടെ മകനും ഡല്‍ഹി ജാമിഅ മില്ലിയ സര്‍വകലാശാല വിദ്യാര്‍ഥിയുമായ ഷാഹിദ് നാല്‍പത് ദിവസം കൊണ്ട് സൈക്കിളില്‍ 4500 കിലോമീറ്റര്‍ സഞ്ചരിച്ച് ജമ്മു കാശ്മീരിലെ ശ്രീനഗറില്‍ എത്തിച്ചേരും. 11 സംസ്ഥാനങ്ങളിലൂടെയുള്ള യാത്രക്കിടെ വിവിധ സ്ഥലങ്ങളിലെ സ്‌കൂളുകളും കോളജുകളും കേന്ദ്രീകരിച്ച് ബാലപീഡനത്തിനെതിരെ ബോധവത്കരണം നടത്തും. കൂടാതെ ലഘുലേഖകയും വിതരണം ചെയ്യും.
ജീവകാരുണ്യ സംഘടനയായ ആര്‍ സി എഫ് ഐയാണ് സൈക്കിള്‍ യാത്രയുടെ സ്‌പോണ്‍സര്‍. യാത്രക്കുപയോഗിക്കുന്ന വിദേശ നിര്‍മിത സൈക്കിള്‍ സ്‌പോണ്‍സര്‍ ചെയ്ത ജാമിഅ മില്ലിയ യൂനിവേഴ്‌സിറ്റിയാണ്. ദിവസവും അഞ്ച് മണിക്കൂര്‍ യാത്രയും ബാക്കിസമയങ്ങളില്‍ ബോധവത്കരണവുമാണ് ലക്ഷ്യം. ദിവസവും 100 കിലോമീറ്റര്‍ സഞ്ചരിക്കും. ആര്‍ സി എഫ് ഐ ഹെഡ്ഓഫീസില്‍ നടന്ന ചടങ്ങില്‍ സെക്രട്ടറി ഡോ. അബ്ദുല്‍ ഹകീം അസ്ഹരി സ്‌പോണ്‍സര്‍ഷിപ്പ് തുക ഷാഹിദിന് കൈമാറി.
Latest
മുട്ടിന് പരിക്ക് ; മലയാളി താരം എം ശ്രീശങ്കര്‍ പാരീസ് ഒളിംപിക്‌സില്‍ നിന്ന് പിന്മാറി
പിറവത്ത് റോഡിന്റെ സംരക്ഷണ ഭിത്തി കെട്ടുന്നതിനിടെ മണ്ണിടിച്ചില്‍; മണ്ണിനടിയില്‍ കുടുങ്ങിയവരെ രക്ഷപ്പെടുത്തി
കെകെ ശൈലജക്കെതിരായ അശ്ലീല പ്രചാരണത്തില്‍ പ്രതികരിച്ച് മുഖ്യമന്ത്രി പിണറായി വിജയന്‍
ഫോര്‍ട്ട്‌ കൊച്ചിയില്‍ ഫലസ്തീന്‍ ഐക്യദാര്‍ഢ്യ പോസ്റ്ററുകള്‍ നശിപ്പിച്ച വിദേശ വനിതയ്ക്ക് ജാമ്യം
ഒല്ലൂരില്‍ തീവണ്ടിയില്‍നിന്ന് വീണ് യുവാവ് മരിച്ചു
വോട്ടര്‍മാര്‍ക്ക് പണം വിതരണം ചെയ്യുന്നുവെന്ന രഹസ്യവിവരം; ബിജെപി പ്രവര്‍ത്തകന്‍ കോയമ്പത്തൂരില്‍ അറസ്റ്റില്‍
