International
ഇസില്‍ ക്ലോറിന്‍ വാതകം രാസായുധമായി ഉപയോഗിച്ചതിന് തെളിവുണ്ടെന്ന്
ബാഗ്ദാദ് : ഇറാഖില്‍ പെഷ്‌മെര്‍ഗ സൈന്യത്തിനെതിരെ ഇസില്‍ തീവ്രവാദികള്‍ ക്ലോറിന്‍ വാതകം രാസായുധമായി ഉപയോഗിച്ചതിന് തങ്ങളുടെ പക്കല്‍ തെളിവുകളുണ്ടെന്ന് കുര്‍ദ് അധികൃതര്‍. വടക്കന്‍ ഇറാഖില്‍ ജനുവരി 23ന് നടന്ന ചാവേര്‍ ആക്രമണശ്രമ സ്ഥലത്തുനിന്നും ശേഖരിച്ച അവശിഷ്ടങ്ങള്‍ യൂറോപ്യന്‍ യൂനിയന്‍ സാക്ഷ്യപ്പെടുത്തിയ ലബോറട്ടറിയില്‍ പരിശോധിച്ചതില്‍ ക്ലോറിന്റെ സാന്നിധ്യം കണ്ടെത്തിയതായും ഇത് സൂചിപ്പിക്കുന്നത് ക്ലോറിന്‍ രാസായുധമായി ഉപയോഗിച്ചുവെന്നാണെന്നും കുര്‍ദ് മേഖല സുരക്ഷാ കൗണ്‍സില്‍ പ്രസ്താവനിയില്‍ പറഞ്ഞു. എന്നാല്‍ കുര്‍ദുകളുടെ ആരോപണത്തിന് സ്വതന്ത്രസ്ഥിരീകരണം ലഭിച്ചിട്ടില്ല. ഇസിലിനെ നേരിടാന്‍ കുര്‍ദ് സേനയെ വിന്യസിച്ച സിറിയയിലും ഇറാഖി നഗരമായ മൂസ്വിലിനുമിടയിലെ ഹൈവേയില്‍ 20 ചെറുപെട്ടികളുമായി വന്ന ലോറിയില്‍ സ്‌ഫോടനം നടത്തിയതായി പ്രസ്താവനയില്‍ പറയുന്നു. കുര്‍ദ് സൈന്യം റോക്കറ്റ് ഉപയോഗിച്ച് ലോറി തകര്‍ത്തതിനാല്‍ ലോറി ഡ്രൈവര്‍ മാത്രമേ കൊല്ലപ്പെട്ടിട്ടുള്ളുവെന്ന് കുര്‍ദ് സേനയെ ഉദ്ധരിച്ച് റോയിട്ടേഴ്‌സ് റിപ്പോര്‍ട്ട് ചെയ്തു. ക്ലോറിന്‍ വാതകം പരന്ന് പെഷ്‌മെര്‍ഗ സൈനികര്‍ക്ക് മനംപിരട്ടല്‍, ഛര്‍ദി, മോഹാലസ്യം തുടങ്ങിയവ അനുഭവപ്പെട്ടതായി പ്രസ്താവനയിലുണ്ട്. സംഭവസ്ഥലത്തുനിന്നും ശേഖരിച്ച മണ്ണ്, വസ്ത്രങ്ങളുടെ അവശിഷ്ടം എന്നിവയാണ് ലബോറട്ടറിയില്‍ പരിശോധനക്കയച്ചത്. തിക്‌രീത്തിലും ക്ലോറിന്‍ ഉപയോഗിച്ച് ആക്രമണം നടത്തിയതിന്റെ സൂചനകള്‍ ഉണ്ടായിരുന്നതായി ദൃക്‌സാക്ഷികളെ ഉദ്ധരിച്ച് കുര്‍ദുകള്‍ ആരോപിക്കുന്നു.
Latest
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
