Eranakulam
ലോകസമാധാന അംബാസഡറായി ബോബി ചെമ്മണ്ണൂരിനെ തിരഞ്ഞെടുത്തു
കൊച്ചി: ജീവകാരുണ്യ പ്രവര്‍ത്തനങ്ങളിലൂടെ ലോകത്തിനു മാതൃകയായ ബോബി ചെമ്മണ്ണൂരിനെ അന്താരാഷ്ട്ര സമാധാന സംഘടനയായ യൂനിവേഴ്‌സല്‍ പീസ് ഫെഡറേഷന്‍ (യു പി എഫ്) ലോകസമാധാന അംബാസഡറായി തിരഞ്ഞെടുത്തു. കെനിയയുടെ പ്രധാന മന്ത്രി റയ്‌ല ഒഡിംഗ, ഈജിപ്ത് പധാനമന്ത്രി അബ്ദ് ഇലാസിസ് ഫെഗാസി, ബാര്‍ബഡോസ് പ്രധാനമന്ത്രി സര്‍ ലോയ്ഡ് എര്‍സക്കീന്‍ സാന്റിഫോര്‍ഡ്, ഉക്രെയിന്‍ പ്രസിഡന്റ് എച്ച് ഇ ലിയോനിഡ് എം ക്രാവ്ചുക് എന്നിവരാണ് മുന്‍കാലങ്ങളില്‍ ഈ പദവി അലങ്കരിച്ചിരുന്നത്. നേപ്പാളിലെ കാഠ്മണ്ഡുവില്‍ നടന്ന അന്താരാഷ്ട്ര സമ്മേളനത്തില്‍ യു പി എഫ് പ്രസിഡന്റ് ഡോ. തോമസ് ജി വാല്‍ഷ്, യു പി എഫ് ചെയര്‍മാന്‍ ഡോ. ചാള്‍സ് എസ് യാങ്ങ്, നേപ്പാള്‍ പ്രധാനമന്ത്രി സുശീല്‍ കൊയ്‌രാള, ഡോ. സണ്‍ ജിന്‍ മൂണ്‍ (ഡയറക്ടര്‍ ജനറല്‍- ഫാമിലി ഫെഡറേഷന്‍ ഫോര്‍ വേള്‍ഡ് പീസ് ആന്‍ഡ് യൂനിഫിക്കേഷന്‍), മുന്‍ പ്രധാനമന്ത്രി എച്ച് ഇ മാധവ് കുമാര്‍, ഭഗത് സിംഗ് കോഷ്യാരി (എം പി) തുടങ്ങിയ പ്രമുഖര്‍ സംബന്ധിച്ചു. ലോകത്തിലെ ഏറ്റവും വലിയ ബ്ലഡ് ബേങ്ക് സൃഷ്ടിക്കുക എന്ന ലക്ഷ്യത്തോടെ 812 കിലോമീറ്റര്‍ മാരത്തണ്‍ ഓടി യുനീക് വേള്‍ഡ് റെക്കോര്‍ഡ് ഹോള്‍ഡറായ ബോബി ചെമ്മണ്ണൂരിന്റെ പ്രവര്‍ത്തനങ്ങളെ മുന്‍നിര്‍ത്തിയാണ് അദ്ദേഹത്തെ അംബാസഡറായി തിരഞ്ഞെടുത്തത്.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
