National
ദേശീയഗാനത്തിനിടെ കര്‍ണാടക ഗവര്‍ണര്‍ വേദിവിട്ടത് വിവാദമായി
ബെംഗളൂരു: രാജ്ഭവനില്‍ ഔദ്യോഗിക ചടങ്ങില്‍ ദേശീയഗാനം ആലപിക്കുന്നതിനിടെ കര്‍ണാടക ഗവര്‍ണര്‍ വാജുഭായ് വാല വേദിയില്‍ നിന്ന് ഇറങ്ങിപ്പോയി. ഔദ്യോഗിക ചടങ്ങ് നടക്കവേ ഗവര്‍ണര്‍ ഇറങ്ങിപ്പോയത് വലിയ വിവാദത്തിന് കാരണമായിട്ടുണ്ട്.
കര്‍ണാടക ഹൈക്കോടതി ജഡ്ജി രാഘവേന്ദ്ര സിംങ് ചൗഹാന് സത്യപ്രതിഞ്ജ ചൊല്ലിക്കൊടുത്ത ശേഷം കീഴ്‌വഴക്കമനുസരിച്ച് നടക്കുന്ന ദേശീയഗാനം ആലപിക്കുന്നതിനിടെ ഗവര്‍ണര്‍ വേദിയില്‍ നിന്നുപുറത്തുപോകുകയായിരുന്നു.
ദേശീയ ഗാനം ആലപിക്കുന്നതിനിടെ അതിഥികളും മറ്റും വേദിയില്‍ ആദരസൂചകമായി എഴുന്നേറ്റുനില്‍ക്കുമ്പോഴാണ് ഗവര്‍ണര്‍ വേദിയില്‍ നിന്ന് അശ്രദ്ധയോടെ ഇറങ്ങിപ്പോയത്. എന്നാല്‍ വേദിയില്‍ നിന്ന് അല്‍പ്പ ദൂരമെത്തിയപ്പോള്‍ അംഗരക്ഷകരില്‍ ഒരാള്‍ ഗവര്‍ണറെ കാര്യം ഉണര്‍ത്തിയപ്പോള്‍ അദ്ദേഹം വേദിയിലേക്ക് തിരിച്ചുവരികയും ബഹുമാനത്തോടെ എഴുന്നേറ്റുനില്‍ക്കുകയും ചെയ്തു.
അതേസമയം, ഇതുസംബന്ധിച്ച് രാജ്ഭവന്‍ ഒരു വിശദീകരണവും പുറത്തുവിട്ടിട്ടില്ല. മാധ്യമങ്ങള്‍ സംഭവത്തിന്റെ ദൃശ്യം പുറത്തുവിട്ടതോടെ ദേശീയഗാനത്തെ അപമാനിച്ചുവെന്ന ആരോപണം ഉയര്‍ന്നിട്ടുണ്ട്.
Latest
ആലപ്പുഴയിൽ സമസ്ത പിന്തുണ യുഡിഎഫിനാണെന്ന വാർത്ത അടിസ്ഥാനരഹിതം: ജില്ലാ നേതാക്കൾ
ബെംഗളുരുവില്‍ ആദായ നികുതി വകുപ്പിന്റെ റെയ്ഡ്; കോടികളുടെ പണവും സ്വര്‍ണവും പിടിച്ചെടുത്തു
ഏഴു വയസുകാരിയെ പീഡിപ്പിച്ച് മൃതദേഹം അഴുക്കുചാലില്‍ തള്ളി;പ്രതിക്കായി അന്വേഷണം ഊര്‍ജിതം
പരസ്യപ്രചാരണം അവസാനഘട്ടത്തിലേക്ക് ; നാല് ജില്ലകളില്‍ നിരോധനാജ്ഞ
ജാതി സെന്‍സസ് തന്റെ ജീവിത ലക്ഷ്യം, ഒരിഞ്ച് പിന്നോട്ടില്ല; രാഹുല്‍ ഗാന്ധി
വയോധികയുടെ സ്വര്‍ണ്ണ മാല പൊട്ടിച്ച സംഭവം ;രണ്ടു പേര്‍ പിടിയില്‍
