Kozhikode
മുക്കം പോളിടെക്‌നിക് പ്രതീക്ഷക്ക് ചിറക് മുളക്കുന്നു
മുക്കം: മുക്കം ഗ്രാമപഞ്ചായത്തിലെ ചേന്ദമംഗല്ലൂരില്‍ പോളിടെക്‌നിക്കെന്ന നാട്ടുകാരുടെ ആവശ്യത്തിന് വീണ്ടും ചിറക് മുളക്കുന്നു. കഴിഞ്ഞ സംസ്ഥാന ബജറ്റിലാണ് ചേന്ദമംഗല്ലൂര്‍ മംഗലശ്ശേരിത്തോട്ടത്തിലെ റവന്യൂ ഭൂമിയില്‍ പുതിയ പോളിടെക്‌നിക് പ്രഖ്യാപിച്ചത്. പ്രഖ്യാപനം നടന്ന ഉടനെ ചില ഉദ്യോഗസ്ഥര്‍ സ്ഥലം സന്ദര്‍ശിക്കുകയും സ്ഥലം പോളിടെക്‌നിക് അനുയോജ്യമാണെന്ന് കണ്ടെത്തുകയും ചെയ്തിരുന്നു. എന്നാല്‍ പിന്നീട് തുടര്‍ നടപടികളൊന്നുമുണ്ടായില്ല. ഇതോടെ പോളിടെക്‌നിക്കെന്ന ആവശ്യവും നാട്ടുകാര്‍ ഏറെക്കുറെ ഉപേക്ഷിച്ച മട്ടായിരുന്നു. ഇതിനിടക്കാണ് സി മോയിന്‍കുട്ടി എം എല്‍ എയുടെ ഇടപെടലിനെ തുടര്‍ന്ന് പോളിടെക്‌നിക്കിനായുള്ള ചര്‍ച്ചകള്‍ സജീവമായത്. ഇതിന്റെ അടിസ്ഥാനത്തില്‍ എം എല്‍ എ വിഷയം നിയമസഭയില്‍ ഉന്നയിക്കുകയും നടപടികള്‍ വേഗത്തിലാക്കുന്നതിനായി സ്‌പെഷ്യല്‍ ഓഫീസറെ നിയമിച്ച് സര്‍ക്കാര്‍ ഉത്തരവിറക്കുകയും ചെയ്തതായി എം എല്‍ എ അറിയിച്ചു. വി സി പൂക്കോയ തങ്ങളെയാണ് സ്‌പെഷ്യല്‍ ഓഫീസറായി നിയമിച്ചത്.
മംഗലശ്ശേരിതോട്ടത്തിലെ 27 ഏക്കര്‍ റവന്യൂ ഭൂമിയില്‍ നിന്ന് അഞ്ച് ഏക്കര്‍ സ്ഥലം പോളിടെക്‌നിക്കിനായി ലഭ്യമാക്കി തുടര്‍ നടപടികള്‍ ഉടന്‍ പൂര്‍ത്തീകരിക്കുമെന്ന് എം എല്‍ എ മോയിന്‍കുട്ടി അറിയിച്ചു.
Latest
പാലക്കാട്ട് റെക്കോര്ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്കൂട്ടറില് സഞ്ചരിക്കുകയായിരുന്ന അമ്മയ്ക്കും മകള്ക്കും പരുക്ക്
വിവിപാറ്റ്: ഹരജികളില് സുപ്രീം കോടതി വിധി നാളെ
എ പി പി അനീഷ്യയുടെ ആത്മഹത്യ; അറസ്റ്റ് നാടകം ഗൂഢാലോചനയുടെ ഭാഗമെന്ന് ഐക്യദാര്ഢ്യ സമിതി
ദുബൈയില് കനത്ത മഴ ദിവസത്തെ ട്രാഫിക് പിഴകള് റദ്ദാക്കും
ദീർഘദൂര ശേഷിയുള്ള 30 വൈഡ് ബോഡി വിമാനങ്ങൾ ഓർഡർ ചെയ്ത് ഇൻഡിഗോ
