Kerala
ജൈവവൈവിധ്യ ബോര്‍ഡ് പുരസ്‌കാരങ്ങള്‍ പ്രഖ്യാപിച്ചു
തിരുവനന്തപുരം: കഴിഞ്ഞ വര്‍ഷത്തെ ഏറ്റവും മികച്ച പരിസ്ഥിതി സംരക്ഷകനുള്ള സംസ്ഥാന ജൈവവൈവിധ്യ ബോര്‍ഡിന്റെ പുരസകാരത്തിന് കാസര്‍കോട് സ്വദേശി ഷാഹുല്‍ ഹമീദ് അര്‍ഹനായി. നാടന്‍ ഇനങ്ങളുടെ സംരക്ഷണത്തിന് തൃശൂര്‍ അവിട്ടത്തൂര്‍ സ്വദേശി കെ ആര്‍ ജയനും (പ്ലാവ് ജയന്‍), മികച്ച ജൈവകര്‍ഷകനുള്ള പുരസ്‌കാരത്തിന് കായംകുളം സ്വദേശി രാജന്‍ ബാബുവും അര്‍ഹരായി.
മറ്റ് അവാര്‍ഡുകള്‍: നാടന്‍ കന്നുകാലിയുടെ സംരക്ഷണം- കോഴിക്കോട് അത്തോളി സ്വദേശി എന്‍ വി ബാലകൃഷ്ണന്‍, നാട്ടറിവുകളുടെ സംരക്ഷണം- കണ്ണൂര്‍, രാമന്തളി സ്വദേശി ഡോ. എം വി വിഷ്ണുനമ്പൂതിരി, മികച്ച ജൈവവൈവിധ്യ ഗവേഷകന്‍-മലപ്പുറം മമ്പാട് എം ഇ എസ് കോളജിലെ ഡോ. കെ എസ് അനൂപ് ദാസ്, 50,000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം.
ജൈവവൈവിധ്യ സംരക്ഷണ രംഗത്ത് മികച്ച പ്രവര്‍ത്തനം കാഴ്ചവെച്ച സംഘടനകള്‍ക്കും വിദ്യാഭ്യാസ സ്ഥാപനങ്ങള്‍ക്കുമുള്ള പുരസ്‌കാരങ്ങള്‍: മികച്ച ജൈവവൈവിധ്യ ക്ലബ്ബ് – ക്രൈസ്റ്റ് കോളജ്, ഇരിങ്ങാലക്കുട, ജൈവവൈവിധ്യ സംരക്ഷണ രംഗത്തെ മികച്ച കോളജ്- സെന്റ് മൈക്കല്‍സ് കോളജ്, ചേര്‍ത്തല, മികച്ച സ്‌കൂള്‍- ഗവമെന്റ് യു പി എസ് തൃക്കുറ്റിശ്ശേരി. കോഴിക്കോട്, മികച്ച പരിസ്ഥിതി സംഘടന- ശാന്തിഗ്രാം, തിരുവനന്തപുരം. 50,000-രൂപയും ഫലകവും പ്രശസ്തി പത്രവുമാണ് അവാര്‍ഡായി ലഭിക്കുക. മികച്ച ജൈവവൈവിധ്യ സംരക്ഷണ സമിതി- മങ്കര ഗ്രാമപഞ്ചായത്ത് ജൈവവൈവിധ്യ സമിതി, പാലക്കാട്. ഒരു ലക്ഷം രൂപയും ഫലകവും പ്രശസ്തി പത്രവുമാണ് അവാര്‍ഡ്.
Latest
യുവതിയെ വീട്ടിലെ കിടപ്പുമുറിയില്‍ തൂങ്ങിമരിച്ചനിലയില്‍ കണ്ടെത്തിയ സംഭവം; ഭര്‍ത്താവ് അറസ്റ്റില്‍
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
