Kozhikode
പത്തംഗ സി പി എം ജില്ലാ സെക്രട്ടേറിയറ്റ് രൂപവത്കരിച്ചു
കോഴിക്കോട്: പുതുതായി മൂന്ന് പേരെ ഉള്‍പ്പെടുത്തി പത്തംഗ സി പി എം ജില്ലാ സെക്രട്ടേറിയറ്റ് രൂപവത്കരിച്ചു. മുന്‍ മേയറും കേരള സ്‌പോര്‍ട്‌സ് കൗണ്‍സില്‍ പ്രസിഡന്റുമായിരുന്ന ടി പി ദാസന്‍, സി ഐ ടി യു ജില്ലാ പ്രസിഡന്റ് വി പി കുഞ്ഞികൃഷ്ണന്‍, മുന്‍ തിരുവമ്പാടി എം എല്‍ എ ജോര്‍ജ് എം തോമസ് എന്നിവരെയാണ് ജില്ലാ സെക്രട്ടേറിയറ്റിലുള്‍പ്പെടുത്തിയത്. ജില്ലാ സെക്രട്ടറി മോഹനനെ കൂടാതെ എം ഭാസ്‌ക്കരന്‍, പി വിശ്വന്‍, സി ഭാസ്‌ക്കരന്‍, കെ ചന്ദ്രന്‍ മാസ്റ്റര്‍, കെ പി കുഞ്ഞമ്മദ്കുട്ടി, എം മെഹബൂബ് എന്നിവരാണ് മറ്റ് അംഗങ്ങള്‍. നേരത്തെ സെക്രട്ടേറിയറ്റില്‍ ഉണ്ടായിരുന്ന ടി പി ബാലകൃഷ്ണന്‍ നായരെ ആരോഗ്യകാരണങ്ങളാല്‍ ഒഴിവാക്കി. സി പി എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പങ്കെടുത്ത യോഗത്തിലാണ് പുതിയ ജില്ലാ സെക്രട്ടേറിയറ്റ് രൂപവത്കരിച്ചത്.
ഐസ്‌ക്രീം പെണ്‍വാണിഭ കേസുമായി ബന്ധപ്പെട്ട ആരോപണങ്ങളാല്‍ പാര്‍ട്ടിയില്‍ നിന്ന് മാറ്റപ്പെട്ട ടി പി ദാസന്‍ ഒന്നര വര്‍ഷത്തിനുള്ളിലാണ് പാര്‍ട്ടി ടൗണ്‍ ഏരിയാ കമ്മിറ്റിയിലും പിന്നീട് ജില്ലാ കമ്മിറ്റിയിലും ഇപ്പോള്‍ ജില്ലാ സെക്രട്ടേറിയറ്റിലുമെത്തിയിരിക്കുന്നത്. ഐസ്‌ക്രീം ആരോപണം കത്തിനില്‍ക്കെ ഗ്രൂപ്പ് വൈരത്തില്‍ പാര്‍ട്ടിയില്‍ നിന്ന് ദാസന്‍ പുറന്തള്ളപ്പെടുകയായിരുന്നു. അന്ന് വി എസ് പക്ഷക്കാരനായിരുന്ന ദാസനെ പാര്‍ട്ടിയില്‍ നിന്ന് ഒഴിവാക്കുന്നതില്‍ അന്നത്തെ നായനാര്‍ പക്ഷമാണ് കരുക്കള്‍ നീക്കിയത്. അക്കാലത്ത് പാര്‍ട്ടിയില്‍ പരേതനായ എം ദാസനും ടി പി ദാസനുമായിരുന്നു ജില്ലയിലെ പ്രധാന നേതാക്കള്‍. പുറത്താക്കപ്പെടുമ്പോള്‍ ടി പി ദാസന്‍ ജില്ലാ സെക്രട്ടേറിയറ്റംഗമായിരുന്നു. വീണ്ടും അദ്ദേഹം തിരിച്ചെത്തുന്നതോടെ ജില്ലയിലെ പ്രധാന നേതാക്കളില്‍ ഒരാളായി ദാസന്‍ മാറിയിരിക്കുകയാണ്. ടി പി ദാസന്‍. പിണറായി വിജയന്‍, ഇ പി ജയരാജന്‍ തുടങ്ങിയവരോടൊപ്പം കെ എസ് വൈ എഫ് ഭാരവാഹിയുമായിരുന്നു ദാസന്‍.
ജില്ലാ സെക്രട്ടേറിയറ്റ് രൂപവത്കരണ യോഗത്തില്‍ ടി പി രാമകൃഷ്ണന്‍ അധ്യക്ഷത വഹിച്ചു. കോടിയേരിയെ കൂടാതെ സംസ്ഥാന ഭാരവാഹികളായ വി വി ദക്ഷിണാമൂര്‍ത്തി, എളമരം കരീം പങ്കെടുത്തു.
Latest
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
യുവതിയെ വീട്ടിലെ കിടപ്പുമുറിയില്‍ തൂങ്ങിമരിച്ചനിലയില്‍ കണ്ടെത്തിയ സംഭവം; ഭര്‍ത്താവ് അറസ്റ്റില്‍
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
