Kozhikode
നിര്‍മാണ മേഖലയിലെ സ്തംഭനാവസ്ഥക്ക് പരിഹാരം കാണണം: ഐ എന്‍ എല്‍
കോഴിക്കോട്: നിര്‍മാണ മേഖലയിലെ സ്തംഭനാവസ്ഥ ഒഴിവാക്കാന്‍ സര്‍ക്കാര്‍ അടിയന്തര നടപടി സ്വീകരിക്കണമെന്ന് ഐ എന്‍ എല്‍ ജില്ലാ കമ്മിറ്റി സര്‍ക്കാറിനോട് ആവശ്യപ്പെട്ടു.
നിര്‍മാണ മേഖല സ്തംഭിച്ചിട്ട് ഒരു മാസത്തോളമായിട്ടും സര്‍ക്കാര്‍ കാര്യമായ ഇടപെടലുകള്‍ നടത്തുന്നില്ല. ചെങ്കല്‍- കരിങ്കല്‍ ഖനനത്തിന് ലൈസന്‍സ് ഫീസ് സര്‍ക്കാര്‍ അധികമായി വര്‍ധിപ്പിച്ചതും കരിങ്കല്‍ ക്വാറികള്‍ പ്രവര്‍ത്തിക്കുന്നതിന് കോടതിവിധി തടസ്സമായതുമാണ് സ്തംഭനാവസ്ഥക്ക് പ്രധാനകാരണം. സര്‍ക്കാര്‍ വേണ്ടത്ര രീതിയില്‍ ഇടപെടലുകള്‍ നടത്താതിരുന്നത് മൂലമാണ് ഇത് സംഭവിച്ചത്. ഈ ഒരു സാഹചര്യത്തിലാണ് സംസ്ഥാനത്തെ ക്വാറി ഉടമകളെല്ലാം സമരം ആരംഭിച്ചത്.
ക്വാറി ഉടമകളോട് അനുഭാവം പ്രകടിപ്പിച്ച് ടിപ്പര്‍ ലോറി ഉടമകളും രംഗത്തുവന്നതോടെ സ്തംഭനാവസ്ത പൂര്‍ണമായി. ബാങ്കുകളില്‍നിന്ന് വായ്പയെടുത്ത് സാധാരണക്കാര്‍ പണിയുന്ന വീടുകള്‍ പോലും പൂര്‍ത്തിയാകാതെ കിടക്കുന്നു. അന്യസംസ്ഥാന തൊഴിലാളികള്‍ കൂട്ടത്തോടെ തിരിച്ചുപോകുന്നു. നിര്‍മാണ സാധനങ്ങളുടെ വിലക്കയറ്റം എല്ലാ റെക്കോഡുകളും ഭേദിച്ചിരിക്കുന്നു. ഈ മേഖലയെ ആശ്രയിച്ച് ജീവിതം തള്ളിനീക്കുന്ന തൊഴിലാളികള്‍ പട്ടിണിയുടെ വക്കിലാണ്. സാമ്പത്തിക വര്‍ഷാവസാനം നടക്കേണ്ട വികസന പ്രവര്‍ത്തനങ്ങള്‍ നടക്കുന്നില്ല. കരാറുകാര്‍ക്ക് സര്‍ക്കാര്‍ പണം നല്‍കാത്തതിനാല്‍ പലരും പ്രവൃത്തികള്‍ ഏറ്റെടുക്കുന്നില്ല. മുഖ്യമന്ത്രിയുടെ ഇടപെടല്‍മൂലം വന്‍കിട ക്വാറിഉടമകള്‍ മാത്രമാണ് സമരം നിര്‍ത്തിയത്. ചെറുകിട ക്വാറികള്‍ ഇപ്പോഴും സമരത്തിലാണ്. ആയതിനാല്‍ സര്‍ക്കാര്‍ അടിയന്തരമായി ഇടപെട്ട് പ്രശ്‌നം പരിഹരിക്കണമെന്ന് ജില്ലാ ഐ എന്‍ എല്‍ കമ്മിറ്റി ആവശ്യപ്പെട്ടു.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
