National
ധന് വാപസി
ന്യൂഡല്ഹി: നരേന്ദ്ര മോദിയെ തിരഞ്ഞെടുപ്പ് പ്രചാരണഘട്ടങ്ങളില് ശക്തമായി പിന്തുണച്ച കോര്പറേറ്റ് വിഭാഗങ്ങള്ക്ക് ഇളവുകള് പ്രഖ്യാപിച്ചും അടിസ്ഥാന വിഭാഗങ്ങളെ തലോടിയും എന് ഡി എ സര്ക്കാറിന്റെ ആദ്യ സമ്പൂര്ണ ബജറ്റ്. ഇടത്തരക്കാരും ശമ്പളക്കാരും പ്രതീക്ഷിച്ചിരുന്ന ആദായ നികുതി ഘടനാ പരിഷ്കരണത്തിന് ധനമന്ത്രി അരുണ് ജെയ്റ്റ്ലി അവതരിപ്പിച്ച ബജറ്റ് തയ്യാറാകുന്നില്ല. വളര്ച്ചക്ക് തിരികൊളുത്തുന്നതെന്ന് മോദിയടക്കമുള്ളവര് വിലയിരുത്തുമ്പോള് തിരിച്ചു കൊടുക്കല് (ധന് വാപസി) മാത്രമെന്ന് പ്രതിപക്ഷം കുറ്റപ്പെടുത്തുന്നു.
പ്രധാന നിര്ദേശങ്ങള്:
* എല്ലാവര്ക്കും വീട്
2022 ഓടെ എല്ലാവര്ക്കും വീട്. ഗ്രാമീണ മേഖലകളില് രണ്ട് കോടി വീടുകളും നഗര മേഖലകളില് നാല് കോടി വീടുകളും നിര്മിക്കും
§ സ്വത്ത് നികുതി ഇല്ലാതാക്കി
§ ഒരു കോടിയില് കൂടുതല് വരുമാനമുള്ളവര്ക്ക് രണ്ട് ശതമാനം സര്ച്ചാര്ജ്
§ 22 ഇനങ്ങളുടെ കസ്റ്റംസ് തീരുവ കുറച്ചു
§ വാണിജ്യ വാഹനങ്ങള്ക്കുള്ള കസ്റ്റംസ് തീരുവ ഇരുപത് ശതമാനമാക്കി ഉയര്ത്തി
§ സേവനനികുതി നിരക്കും വിദ്യാഭ്യാസ സെസ്സും പതിനാല് ശതമാനമാക്കി
§ നികുതി വെട്ടിപ്പ് തടയാന് പിഴ മുന്നൂറ്
ശതമാനമാക്കി ഉയര്ത്തും
§ കള്ളപ്പണം സൂക്ഷിച്ചാല് പത്ത് വര്ഷം തടവ് ശിക്ഷക്ക് നിയമം കൊണ്ടുവരും
§ ഒരു ലക്ഷത്തിനു മുകളിലുള്ള ഇടപാടുകള്ക്ക് പാന് കാര്ഡ് നിര്ബന്ധം
§ 2016 ഏപ്രില് ഒന്ന് മുതല് ചരക്ക്
സേവന നികുതി
§ പണപ്പെരുപ്പം ആറ് ശതമാനത്തില് താഴെയെത്തിക്കുക ലക്ഷ്യം
§ നിര്ഭയ ഫണ്ട് രണ്ടായിരം കോടിയാക്കി
§ 150 രാജ്യങ്ങളില് കൂടി വിസ ഓണ്
അറൈവല്
§ അശോകചക്രം പതിച്ച സ്വര്ണനാണയങ്ങള് ഇറക്കും
§ ഗംഗാ ശുചീകരണത്തിന് 2,037 കോടി
§ ജന്ധന് യോജന പോസ്റ്റ് ഓഫീസുകളിലേക്ക്
§ 2022 ഓടെ ഒരു കുടുംബത്തിലെ
ഒരാള്ക്ക് ജോലി
§ 2020 ഓടെ ഇരുപതിനായിരം ഗ്രാമങ്ങളില് കൂടി വൈദ്യുതി
§ നിശ്ചിത ശമ്പളപരിധിയിലുള്ളവര്ക്ക് പി എഫില് തൊഴിലാളി വിഹിതം
നിര്ബന്ധമില്ല
അടിസ്ഥാനസൗകര്യം
§ അടിസ്ഥാനസൗകര്യ മേഖലക്ക് എഴുപതിനായിരം കോടി
§ ഒരു ലക്ഷം കിലോമീറ്റര് റോഡ് നിര്മിക്കും
§ നാലായിരം മെഗാവാട്ട് ഉത്പാദനശേഷിയുള്ള അഞ്ച് പവര്പ്ലാന്റുകള് നിര്മിക്കും
§ കൂടംകുളം ആണവനിലയത്തിലെ രണ്ടാമത്തെ യൂനിറ്റ് കമ്മീഷന് ചെയ്യും
§ റെയില്, റോഡ്, ജലവിതരണ പദ്ധതികള്ക്ക് നികുതിരഹിത ബോണ്ട്
§ ഗ്രാമങ്ങളിലെ അടിസ്ഥാനസൗകര്യ
വികസനത്തിന് 25,000 കോടി
§ ചെറുകിട ജലവൈദ്യുത പദ്ധതിക്ക് 5,300 കോടി
§ സ്വച്ഛ് ഭാരത് അഭിയാന് പദ്ധതി പ്രകാരം അമ്പതിനായിരം ശൗചാലയങ്ങള്
§ ലക്ഷ്യം ആറ് കോടി ശൗച്യാലയങ്ങള് നിര്മിക്കുക
വിദ്യാഭ്യാസം
§ അഞ്ച് കിലോമീറ്റര് പരിധിയില് ഹയര് സെക്കന്ഡറി സ്കൂള്
§ ആറ് സംസ്ഥാനങ്ങളില് എയിംസ്
§ കര്ണാടകക്ക് ഐ ഐ ടി
§ ധന്ബാദിലെ ഇന്ത്യന് സ്കൂള് ഓഫ് മൈന്സ് ഐ ഐ ടിയായി ഉയര്ത്തും
§ സ്കോളര്ഷിപ്പും വിദ്യാഭ്യാസ വായ്പയും അര്ഹര്ക്ക് ലഭ്യമാക്കുന്നത് ഉറപ്പാക്കാന് അതോറിറ്റി
§ എണ്പതിനായിരം സെക്കന്ഡറി സ്കൂളുകളുടെ നിലവാരം ഉയര്ത്തും
ക്ഷേമ പദ്ധതികള്
§ പട്ടികജാതി, വര്ഗ വിഭാഗങ്ങളിലെ ചെറുകിട സംരംഭകര്ക്കായി മുദ്ര ബേങ്ക്
§ എണ്പത് വയസ്സിന് മുകളില് പ്രായമുള്ളവര്ക്ക് പ്രത്യേക സഹായം
§ ദേശീയ ഗ്രാമീണ തൊഴിലുറപ്പ് പദ്ധതി തുടരും. അയ്യായിരം കോടി അനുവദിച്ചു.
§ പ്രോവിഡന്റ് ഫണ്ടിലെ ഉടമസ്ഥരില്ലാത്ത ഒമ്പതിനായിരം കോടി
കാര്ഷിക മേഖല
§ കാര്ഷിക മേഖലക്ക് 8.5 ലക്ഷം കോടി
§ ദേശീയ കാര്ഷിക വിപണി രൂപവത്കരിക്കും
§ ജൈവകൃഷി പ്രോത്സാഹിപ്പിക്കും