National
ബ്രിട്ടീഷ് പൗരന്‍മാരെ കൊന്ന കേസിലും പ്രതികളെ വെറുതെവിട്ടു
അഹമ്മദാബാദ്: 2002 ലെ ഗുജറാത്ത് വംശഹത്യയുമായി ബന്ധപ്പെട്ട് മൂന്ന് ബ്രിട്ടീഷ് പൗരന്മാരടക്കം നാല് പേര്‍ കൊല്ലപ്പെട്ട കേസില്‍ പ്രതികളായ ആറ് പേരെ പ്രത്യേക വിചാരണാ കോടതി വെറുതെ വിട്ടു. ഹിമ്മാത്‌നഗര്‍ ജില്ലയിലെ പ്രാണ്‍തിജ് ടൗണില്‍ ഇന്ത്യന്‍ വംശജരായ മൂന്ന് ബ്രിട്ടീഷുകാരടക്കം നാല്‌പേര്‍ കൊല്ലപ്പെട്ട കേസില്‍ പ്രിന്‍സിപ്പല്‍ ജില്ലാ ജഡ്ജി ഐ സി ഷായാണ് വിധി പ്രഖ്യാപിച്ചത്.
ഗോധ്രയില്‍ ട്രെയിനിന് തീയിട്ട സംഭവം കഴിഞ്ഞതിന് പിറ്റേദിവസമാണ് ഇമ്രാന്‍ ദാവൂദ്, ലണ്ടനില്‍ കഴിയുന്ന അമ്മാവന്‍ സഈദ് ദാവൂദ്, ശക്കീല്‍ ദാവൂദ്, മുഹമ്മദ് അസ്വാത് എന്നിവരെ കലാപകാരികള്‍ ആക്രമിച്ചത്. ഇവരില്‍ സഈദ്, ശക്കീല്‍, മുഹമ്മദ് അസ്വാത് അവരുടെ കാര്‍ ഡ്രൈവറായ യൂസുഫ് പരിഗാര്‍ എന്നിവരെ അക്രമികള്‍ ദേശീയ പാതയില്‍ തീവെച്ച് കൊല്ലുകയായിരുന്നു.
കാറിലുണ്ടായിരുന്ന ഇമ്രാന്‍ പോലീസിന്റെ സഹായത്തോടെ രക്ഷപ്പെട്ടു. സുപ്രീം കോടതിയുടെ മേല്‍നോട്ടത്തിലായിരുന്നു കേസ് അന്വേഷണം.
Latest
ലോക്‌സഭ തിരഞ്ഞെടുപ്പിന് സ്വകാര്യ മേഖലയിലെ ജീവനക്കാര്‍ക്ക് അവധി
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
