Wayanad
സീറ്റ് സംവരണം: മാനദണ്ഡങ്ങള്‍ പാലിക്കാത്ത ബസുകള്‍ക്കെതിരെ നടപടി
കല്‍പ്പറ്റ: സീറ്റ് സംവരണം സംബന്ധിച്ച മാനദണ്ഡങ്ങള്‍ പാലിക്കാതെ സര്‍വീസ് നടത്തിയ ബസുകള്‍ക്കെതിരേ മോട്ടോര്‍ വാഹനവകുപ്പിന്റെ നടപടി. ട്രാന്‍സ്‌പോര്‍ട്ട് കമ്മീഷണറുടെ നിര്‍ദേശ പ്രകാരം ഇന്നലെ ജില്ലയിലുടനീളം ആര്‍ ടി ഒ സത്യന്റെ നേതൃത്വത്തിലാണ് പരിശോധന നടത്തിയത്.
ഇതിനിടെ മോശം ടയറുമായി സര്‍വീസ് നടത്തിയ മൂന്ന് കെ എസ് ആര്‍ ടി സി ബസുകള്‍ക്കെതിരേയും ആര്‍ ടി ഒ നടപടി സ്വീകരിച്ചു. സ്ത്രീകള്‍, മുതിര്‍ന്നവര്‍, വികലാംഗര്‍, അന്ധര്‍ തുടങ്ങിയവര്‍ക്കായി നിശ്ചിത എണ്ണം സീറ്റുകള്‍ ബസില്‍ ഒഴിച്ചിടണമെന്നാണ് നിയമം. മിക്ക ബസുകളിലും ഇത് കൃത്യമായി പാലിക്കുന്നില്ലെന്ന് ചൂണ്ടിക്കാട്ടി ട്രാന്‍സ്‌പോര്‍ട്ട് കമ്മീഷണര്‍ക്ക് ലഭിച്ച പരാതിയെ തുടര്‍ന്നാണ് പരിശോധന നടത്തിയത്.
കല്‍പ്പറ്റ, ബത്തേരി, പുല്‍പ്പള്ളി, പനമരം, മാനന്തവാടി എന്നിവിടങ്ങളില്‍ നടത്തിയ പരിശോധനയില്‍ നിരവധി ബസുകള്‍ നിയമലംഘനം നടത്തിയതായി കണ്ടെത്തി. അര്‍ഹരായവര്‍ക്ക് സംവരണ സീറ്റുകള്‍ ഒഴിഞ്ഞുകൊടുക്കാതെ മറ്റുള്ളവര്‍ യാത്ര ചെയ്താല്‍ അവരില്‍ നിന്ന് 100 രൂപ പിഴ ഈടാക്കണമെന്ന അറിയിപ്പ് ബസില്‍ ഉണ്ടാവണം. ഇതില്ലാത്ത ബസുകള്‍ക്കെതിരേയും നടപടി എടുത്തു.
ചവിട്ടുപടിയുടെ ഉയരം, സീറ്റുകള്‍ തമ്മിലുള്ള ദൈര്‍ഘ്യം തുടങ്ങിയ കാര്യങ്ങളും ഉദ്യോഗസ്ഥര്‍ പരിശോധിച്ചു. സ്പീഷ് ഗവേര്‍ണര്‍ ഇല്ലാതെ സര്‍വീസ് നടത്തിയ മൂന്ന് സ്വകാര്യ ബസുകള്‍ക്ക് 5000 രൂപ വീതം പിഴ ഈടാക്കി.
Latest
പെരുമാറ്റച്ചട്ടം ലംഘിച്ചെന്ന പരാതിയില്‍ ഷാഫി പറമ്പിലിന് നോട്ടീസ്
കോഴിക്കോട് ആളുമാറി വോട്ട് ചെയ്ത സംഭവം ; നാല് ഉദ്യോഗസ്ഥരെ സസ്‌പെന്‍ഡ് ചെയ്തു
വൈദ്യപരിശോധനയ്ക്ക് എത്തിച്ച പ്രതി പോലീസ് കസറ്റഡിയില്‍ നിന്നും ഓടി രക്ഷപ്പെട്ടു
ഹരിത മാതൃകാ പോളിങ് ബൂത്ത് ഒരുക്കി പത്തനംതിട്ട ജില്ലാ ഭരണകൂടം
തൊഴിലില്ലായ്മയും പട്ടിണിയും തിരഞ്ഞെടുപ്പിന്റെ പ്രമേയമാവണം:എസ് എസ് എഫ്
വയനാട് ഡിസിസി ജനറല്‍ സെക്രട്ടറി ബിജെപിയില്‍ ചേര്‍ന്നു
