National
പോലീസ് സ്റ്റേഷനിലെ സംഘര്‍ഷം; എ എ പി. എം എല്‍ എമാര്‍ക്കെതിരെ കേസ്
ന്യൂഡല്‍ഹി: ഡല്‍ഹിയിലെ ബുറാരി പോലീസ് സ്റ്റേഷനില്‍ കഴിഞ്ഞ ദിവസം നടന്ന സംഘര്‍ഷവുമായി ബന്ധപ്പെട്ട് ആം ആദ്മി പാര്‍ട്ടിയുടെ രണ്ട് എം എല്‍ എമാര്‍ക്കും ഏതാനും പ്രവര്‍ത്തകര്‍ക്കുമെതിരെ കേസെടുത്തു. ആറ് പ്രവര്‍ത്തകരെ അറസ്റ്റ് ചെയ്തിട്ടുണ്ട്. വടക്കന്‍ ഡല്‍ഹിയിലെ ബുറാരി സ്റ്റേഷനില്‍ നടന്ന സംഘര്‍ഷത്തില്‍ 15 പേര്‍ക്ക് പരുക്കേറ്റിരുന്നു. ബുറാരിയില്‍ നിന്നുള്ള എം എല്‍ എ സഞ്ജീവ് ഝാക്കും മോഡല്‍ ടൗണില്‍ നിന്നുള്ള എം എല്‍ എ അഖിലേഷ് പതി ത്രിപാഠിക്കും എതിരെയാണ് എഫ് ഐ ആര്‍ റജിസ്റ്റര്‍ ചെയ്തത്. ഇവരെ അറസ്റ്റ് ചെയ്തിട്ടില്ല.
പ്രധാന്‍ കോളനിയില്‍ നിന്ന് എ എ പി പ്രവര്‍ത്തകര്‍ പിടികൂടിയ ആള്‍ക്കെതിരെ പോലീസ് ഉടനടി കേസ് രജിസ്റ്റര്‍ ചെയ്യണമെന്നാവശ്യപ്പെട്ട് സഞ്ജീവ് ഝായുടെ നേതൃത്വത്തിലുള്ള സംഘം പോലീസ് സ്റ്റേഷനിലേക്ക് ഇരച്ചു കയറാന്‍ ശ്രമിക്കുകയായിരുന്നു. കുട്ടിയെ തട്ടിക്കൊണ്ടു പോകാന്‍ ശ്രമിക്കവേയാണ് ഇയാളെ തങ്ങള്‍ പിടികൂടിയതെന്നായിരുന്നു എ എ പി പ്രവര്‍ത്തകരുടെ വാദം. അന്വേഷിച്ച ശേഷമേ കേസെടുക്കാനാകൂ എന്ന നിലപാടാണ് പോലീസ് സ്വീകരിച്ചത്. എന്നാല്‍ ഇത് കൂട്ടാക്കാന്‍ എം എല്‍ എമാരും പ്രവര്‍ത്തകരും തയ്യാറായില്ല. ഝായുടെ വാഹനം സ്റ്റേഷനിലേക്ക് കടത്തിവിടാനാകില്ലെന്ന് പോലീസ് പറഞ്ഞതോടെ പ്രവര്‍ത്തകര്‍ അക്രമാസക്തരാകുകയായിരുന്നു. സംഘര്‍ഷത്തില്‍ പോലീസുകാര്‍ക്കും പരുക്കേറ്റു. പോലീസ് സ്റ്റേഷന് നേരെ പ്രവര്‍ത്തകര്‍ കല്ലേറ് നടത്തി. വാഹനങ്ങള്‍ തകര്‍ക്കുകയും ചെയ്തു. ഇതോടെ ത്രിപാഠിയും സംഭവസ്ഥലത്ത് എത്തുകയായിരുന്നു.
എം എല്‍ എയുടെ വാഹനത്തില്‍ സ്റ്റിക്കര്‍ ഇല്ലായിരുന്നുവെന്നാണ് പോലീസ് പറയുന്നത്. എന്നാല്‍ പോലീസ് തങ്ങളെ അപമാനിച്ചുവെന്നാണ് എം എല്‍ എമാരുടെ ആരോപണം.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
