Kozhikode
മഹല്ലുകള്‍ രജിസ്‌ട്രേഷന്‍ കാര്യത്തില്‍ ജാഗ്രത പുലര്‍ത്തണം: എസ് എം എ
കോഴിക്കോട്: മഹല്ലുകള്‍ രജിസ്‌ട്രേഷന്‍ കാര്യത്തില്‍ കൂടുതല്‍ ജാഗ്രത പുലര്‍ത്തണമെന്ന് എസ് എം എ ജില്ലാ കൗണ്‍സില്‍.
സുന്നത്ത് ജമാഅത്തിന്റെ പേരിലുള്ള ചില സംഘടനകളുടെ പിന്തിരിപ്പന്‍ നീക്കങ്ങള്‍ സുന്നി സ്ഥാപനങ്ങള്‍ക്കും മഹല്ലുകള്‍ക്കുമെതിരെ തിരിയുന്ന കാലമാണിത്. ഈ സാഹചര്യത്തില്‍ വഖഫ്, സൊസൈറ്റി, രജിസ്‌ട്രേഷന്‍ കാര്യത്തില്‍ മഹല്ല് ഭാരവാഹികളും സ്ഥാപന മാനേജ്‌മെന്റും കൂടുതല്‍ ജാഗ്രത പുലര്‍ത്തണമെന്ന് എസ് വൈ എസ് ജില്ലാ ദഅ്‌വ സെന്ററില്‍ നടന്ന എസ് എം എ കൗണ്‍സില്‍ അഭിപ്രായപ്പെട്ടു.
വി എം കോയ മാസ്റ്റര്‍ ഉദ്ഘാടനം ചെയ്തു. പ്രസിഡന്റ് ടി കെ അബ്ദുര്‍റഹ്മാന്‍ ബാഖവി അധ്യക്ഷത വഹിച്ചു. ” മഹല്ല് ശാക്തീകരണത്തിന്റെ രണ്ടംഘട്ട പദ്ധതികള്‍” എന്ന വിഷയത്തില്‍ പ്രൊഫ. കെ എം എ റഹീം സാഹിബ് ക്ലാസെടുത്തു. മദ്‌റസ ദിനത്തിന്റെ സാമഗ്രികളും ആറ് മാസത്തെ പദ്ധതിക്കുള്ള സര്‍ക്കുലറും മറ്റും അടങ്ങുന്ന കിറ്റ് റീജ്യനല്‍ സെക്രട്ടറിമാര്‍ ഏറ്റുവങ്ങി. എ കെ അബ്ദുല്‍ ഹമീദ്, ഇ യഅ്ഖൂബ് ഫൈസി, കെ വി തങ്ങള്‍, സി അബ്ദുര്‍റഹ്മാന്‍, പി ടി സി മുഹമ്മദലി പ്രസംഗിച്ചു. കെ എം ഹമീദ് സ്വാഗതവും സൈതൂട്ടി മുസ്‌ലിയാര്‍ നന്ദിയും പറഞ്ഞു.
Latest
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
വയോധിക ദമ്പതികളെ കൊലപ്പെടുത്തിയ കേസ്: പ്രതി കുറ്റക്കാരന്‍, ശിക്ഷാവിധി ഏപ്രില്‍ 29ന്
ജിം ഉടമ യുവാവിനെ കുത്തിയ സംഭവം; വധശ്രമത്തിന് കേസെടുത്തു
മഞ്ഞുമ്മല്‍ ബോയ്‌സ് സിനിമയുടെ നിര്‍മ്മാതാക്കള്‍ക്കെതിരെ കേസെടുത്തു
പാര്‍ക്കിംഗില്‍ നിര്‍ത്തിയിട്ട ബൈക്ക് മോഷ്ടിച്ച 21കാരന്‍ അറസ്റ്റില്‍
വിവി പാറ്റിന്റെ പ്രവര്‍ത്തനം; തിരഞ്ഞെടുപ്പ് കമ്മീഷനോട് വിശദീകരണം തേടി സുപ്രീം കോടതി
