Kerala
ഗെയിംസ് സ്റ്റേഡിയത്തില് സിറിഞ്ചുകള്‍; ഉത്തേജക മരുന്ന് ഉപയോഗമെന്ന് സംശയം
തിരുവനന്തപുരം: ദേശീയ ഗെയിംസ് പരിശീലന വേദിയായ ചന്ദ്രശേഖരന്‍നായര്‍ സ്റ്റേഡിയത്തിലെ ബാത്‌റൂമില്‍ നിന്ന് സിറിഞ്ചുകള്‍ കണ്ടെത്തി.
ഇന്നലെ രാത്രി ഏഴ് മണിയോടെയാണ് ബാത്‌റൂമിനുള്ളില്‍ നിന്ന് ഉപയോഗിച്ച നിലയില്‍ സിറിഞ്ചുകള്‍ കണ്ടെത്തിയത്. തൊട്ടടുത്ത യൂനിവേഴ്‌സിറ്റി സ്റ്റേഡിയത്തില് അത്‌ലറ്റിക് മത്സരങ്ങളുടെ 12 ഫൈനലുകള്‍ നടക്കുന്ന വേളയിലാണ് സിറിഞ്ചുകള്‍ കണ്ടെത്തിയതെന്നത് സംഭവത്തിന്റെ ഗൗരവം വര്‍ധിപ്പിക്കുന്നു. യൂനിവേഴ്‌സിറ്റി സ്റ്റേഡിയത്തിന് സമീപത്ത് അത്‌ലറ്റുകളുടെ പരിശീലന വേദിയായ ചന്ദ്രശേഖരന്‍ നായര്‍ സ്റ്റേഡിയത്തിലെ മൂത്രപ്പുരയില്‍ നിന്നാണ് സിറിഞ്ചുകള്‍ കണ്ടെത്തിയത്.
സ്റ്റേഡിയത്തിനുള്ളിലെ ഭാഗ്യമാല ഓഡിറ്റോറിയത്തിനു സമീപമുള്ള പുരുഷന്‍മാരുടെ മൂത്രപ്പുരയിലാണ് ക്ലോസറ്റിനുള്ളിലും ഫഌഷിനുള്ളിലും മൂത്രപ്പുരയുടെ വെന്റിലേഷന്‍ ഹോളിനുള്ളിലുമായി ഉപയോഗിച്ച നിലയിലുള്ള സിറിഞ്ചുകള്‍ കണ്ടെത്തിയത്. യൂനിവേഴ്‌സിറ്റി സ്റ്റേഡിയത്തില് ഫൈനലുകള്‍ പുരോഗമിക്കവേ ചന്ദ്രശേഖരന്‍ നായര്‍ സ്റ്റേഡിയത്തിലെ ഒരു ബാത്ത്‌റൂമിനുള്ളില്‍ നിന്ന് അത്‌ലറ്റുകളുടെ വേഷത്തില്‍ മൂന്ന് പേര്‍ ഒരുമിച്ച് പുറത്തിറങ്ങിയത് ശ്രദ്ധയില്‍ പെട്ടതിനെ തുടര്‍ന്ന് നടത്തിയ പരിശോധനയിലാണ് സിറിഞ്ചുകള്‍ കണ്ടെത്തിയത്.
Latest
സ്റ്റേറ്റ്സൈഡ് ഗ്രൂപ് വിദ്യാഭ്യാസ പങ്കാളിത്ത പരിപാടികള്‍ പ്രഖ്യാപിച്ചു
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
