Gulf
ദുബൈ ഇമിഗ്രേഷന്‍ ആസ്ഥാനം ഞായര്‍ മുതല്‍ അടച്ചിടും
ദുബൈ: ജാഫിലിയ്യയിലുള്ള താമസ-കുടിയേറ്റ വിഭാഗത്തിന്റെ മുഖ്യ ആസ്ഥാനം ഫെബ്രു ഒന്നുമുതല്‍ മൂന്നുവരെ അടച്ചിടുമെന്ന് ഡയറക്ടര്‍ ജനറല്‍ മുഹമ്മദ് അഹ്മദ് അല്‍ മര്‍റിഅറിയിച്ചു. നവീകരണ പ്രവര്‍ത്തനങ്ങള്‍ക്കായാണ് കാര്യാലയം അടച്ചിടുക. കെട്ടിടത്തിന്റെ നവീകരണമാണ് പ്രധാനമായും നടക്കുന്നത്. നവീകരണത്തിനു ശേഷം രാജ്യാന്തര നിലവാരത്തിലുള്ള സേവനം ലഭ്യമാകും. ജബല്‍ അലി ഫ്രീസോണ്‍, മനാറ സെന്റര്‍, ജെ എല്‍ ടി, വിമാനത്താവളം തുടങ്ങിയ കേന്ദ്രങ്ങളില്‍ സേവനം തുടരും.
ഈ ദിവസങ്ങളില്‍ ഇവിടെ സേവനങ്ങളൊന്നും ലഭ്യമാവില്ല. ഫെബ്രുവരി നാല് മുതല്‍ പതിവുപോലെ പ്രവര്‍ത്തിച്ചു തുടങ്ങുമെന്നും അല്‍ മര്‍റി അറിയിച്ചു. ഇക്കാലയളവില്‍ ദുബൈയുടെ വിവിധ ഭാഗങ്ങളിലുള്ള കാര്യാലയത്തിന്റെ ശാഖകളിലൂടെ ഉപഭോക്താക്കള്‍ക്ക് സേവനം ലഭ്യമാക്കുമെന്നും അല്‍ മര്‍റി വ്യക്തമാക്കി.
രാവിലെ ഏഴര മുതല്‍ രാത്രി 10 വരെ തുടര്‍ച്ചയായി പ്രവര്‍ത്തിപ്പിക്കാന്‍ ശാഖാ ഓഫീസുകള്‍ക്ക് നിര്‍ദേശം നല്‍കിയതായി അല്‍ മര്‍റി പറഞ്ഞു. ഉപഭോക്താക്കള്‍ക്കുള്ള സേവനങ്ങള്‍ എളുപ്പത്തിലും സംതൃപ്തിയോടെയും നിര്‍വഹിച്ചു നല്‍കാന്‍ ഇക്കാലയളവില്‍ ശാഖാ ആസ്ഥാനങ്ങളില്‍ പ്രത്യേകം ജോലിക്കാരെയും നിശ്ചയിക്കും.
Latest
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
