National
കിരണ്‍ ബേദി ബി ജെ പിയില്‍; കെജ്‌രിവാളിനെതിരെ മത്സരിച്ചേക്കും
ന്യൂഡല്‍ഹി: ഡല്‍ഹിയില്‍ നിയമസഭാ തിരഞ്ഞെടുപ്പ് നടക്കാനിരിക്കെ മുന്‍ ഐ പി എസ് ഓഫീസറും എ എ പി നേതാവുമായിരുന്ന കിരണ്‍ ബേദി ബി ജെ പിയില്‍ ചേര്‍ന്നു. ബി ജെ പി ദേശീയ അധ്യക്ഷന്‍ അമിത് ഷാ, കേന്ദ്ര മന്ത്രിമാരായ അരുണ്‍ ജെയ്റ്റ്‌ലി, ഹര്‍ഷവര്‍ധന്‍ എന്നിവരുടെ സാന്നിധ്യത്തിലാണ് കിരണ്‍ ബേദി ബി ജെ പി അംഗത്വം സ്വീകരിച്ചത്.
കിരണ്‍ ബേദി ബി ജെ പിയുടെ ഡല്‍ഹി മുഖ്യമന്ത്രി സ്ഥാനാര്‍ഥിയായേക്കുമെന്നാണ് സൂചന. എന്നാല്‍, കിരണ്‍ ബേദി മുഖ്യമന്ത്രി സ്ഥാനാര്‍ഥിയാകുമോ എന്നതും എ എ പി നേതാവ് അരവിന്ദ് കെജ്‌രിവാളിനെതിരെ മത്സരിക്കുമോയെന്നും വെളിപ്പെടുത്താന്‍ അമിത് ഷാ തയ്യാറായില്ല. തിരഞ്ഞെടുപ്പ് ഫലം പുറത്തുവന്ന ശേഷം ചേരുന്ന പാര്‍ലിമെന്ററി പാര്‍ട്ടി യോഗമാകും ഇത്തരം കാര്യങ്ങളില്‍ തീരുമാനം കൈക്കൊള്ളുകയെന്ന് ഷാ പറഞ്ഞു.
അന്നാ ഹസാരെയുടെ അഴിമതിവിരുദ്ധ പ്രക്ഷോഭകരില്‍ മുന്‍നിരക്കാരിലൊരാളായിരുന്നു കിരണ്‍ ബേദി. പാര്‍ട്ടി അംഗത്വമെടുക്കുന്നതിന് മുമ്പ് അമിത് ഷാക്കൊപ്പം പ്രധാനമന്ത്രി നരേന്ദ്ര മോദിയുമായി അവര്‍ കൂടിക്കാഴ്ച നടത്തിയിരുന്നു.
ഡല്‍ഹിയില്‍ സുസ്ഥിരവും ശക്തവും അഴിമതിമുക്തവുമായ സര്‍ക്കാര്‍ ആവശ്യമാണെന്നും തന്റെ സമയവും ഊര്‍ജവും ഡല്‍ഹിയെ ലോകനിലവാരമുള്ള തലസ്ഥാനമാക്കി ഉയര്‍ത്തുന്നതിന് വേണ്ടി ഉപയോഗിക്കുമെന്നും അംഗത്വമെടുത്ത ശേഷം കിരണ്‍ ബേദി പറഞ്ഞു.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
