Gulf
പെട്രാ എയര്‍ലൈന്‍സിന്റെ 49 ശതമാനം എയര്‍ അറേബ്യ സ്വന്തമാക്കി
ഷാര്‍ജ: മധ്യ പൗരസ്ത്യ ദേശത്തെ ആദ്യത്തെയും വലുതുമായ ബജറ്റ് എയര്‍ലൈന്‍ കമ്പനിയായ ഷാര്‍ജ ആസ്ഥാനമായുള്ള എയര്‍ അറേബ്യ, ജോര്‍ദാനിലെ പ്രമുഖ വിമാനക്കമ്പനിയായ പെട്രാ എയര്‍ ലൈനിന്റെ 49 ശതമാനം ഓഹരികള്‍ സ്വന്തമാക്കിയതായി കമ്പനി അധികൃതര്‍ അറിയിച്ചു.
ജോര്‍ദാന്‍ തലസ്ഥാനമായ അമ്മാനിലെ ക്വീന്‍ അലിയാ എയര്‍പോര്‍ട്ടില്‍ എയര്‍ അറേബ്യയുടെ പുതിയ ഗ്ലോബല്‍ ആസ്ഥാനം അടുത്തു തന്നെ തുറന്ന് പ്രവര്‍ത്തനമാരംഭിക്കുമെന്നും കമ്പനി അധികൃതര്‍ അറിയിച്ചു. പെട്രാ എയര്‍ലൈനിന്റെ അവശേഷിക്കുന്ന 51 ശതമാനം ഓഹരികള്‍ നിലവിലുള്ള റം ഗ്രൂപ്പ് തന്നെ നിലനിര്‍ത്തും.
49 ശതമാനം ഓഹരികള്‍ സ്വന്തമാക്കിയ എയര്‍ അറേബ്യ ഈ വര്‍ഷം ആദ്യപാദത്തോടെ പെട്രാ എയര്‍ ലൈന്‍ വിമാനങ്ങളുടെ സര്‍വീസുകള്‍ എറ്റെടുക്കും. എയര്‍ അറേബ്യ ജോര്‍ദാന്‍ എന്ന പേരിലായിരിക്കും പെട്രാ എയര്‍ലൈന്‍ ഇനി അറിയപ്പെടുകയെന്നും കമ്പനി അധികൃതര്‍ അറിയിച്ചു. എയര്‍ അറേബ്യ ജോര്‍ദാന്‍ യൂറോപ്പ്, മധ്യ പൗരസ്ത്യ ദേശം, നോര്‍ത്ത് ആഫ്രിക്ക എന്നിവിടങ്ങളിലേക്ക് ക്വീന്‍ ആലിയ ഇന്റര്‍നാഷനല്‍ എയര്‍പോര്‍ട്ടില്‍ നിന്നും നേരിട്ട് സര്‍വീസ് നടത്തും.
പെട്രാ എയര്‍ലൈനിന്റെ 49 ശതമാനം എയര്‍ അറേബ്യ സ്വന്തമാക്കിയതിലൂടെ കമ്പനി വളര്‍ച്ചയുടെ ഒരു പുതുയുഗത്തിലേക്ക് പ്രവേശിച്ചതായും കമ്പനിക്ക് ഇത് ഏറെ അഭിമാനകരമാണെന്നും പെട്രാ എയര്‍ലൈന്‍ കമ്പനിയുടെ മുഖ്യ ഓഹരി ഉടമകളായ റം ഗ്രൂപ്പ് ചെയര്‍മാന്‍ റിയാദ് ഖഷ്മാന്‍ പറഞ്ഞു.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
