Malappuram
മൂന്നിയൂര് പാറക്കടവ് സ്കൂള് കെട്ടിടം ഉദ്ഘാടനം നാളെ
തിരൂരങ്ങാടി: മൂന്നിയൂര് പാറക്കടവ് ജി എം യു പി സ്കൂളിന് പുതുതായി നിര്മിച്ച കെട്ടിടത്തിന്റെ ഉദ്ഘാടനം നാളെ മന്ത്രി പി കെ അബ്ദുര്റബ്ബ് നിര്വഹിക്കുമെന്ന് സ്വാഗതസംഘം ഭാരവാഹികള് വാര്ത്താസമ്മേളനത്തില് അറിയിച്ചു.
സ്ഥലം എം എല് എ അഡ്വ. കെ എന് എ ഖാദറിന്റെ ആസ്തി വികസന ഫണ്ടില് നിന്നും അനുവദിച്ച 90 ലക്ഷം രൂപയും പി ഡബ്ല്യൂ ഡി പ്ലാന് ഫണ്ടില് നിന്ന് അനുവദിച്ച 20 ലക്ഷം രൂപയും വിനിയോഗിച്ച് നിര്മിച്ച കെട്ടിടത്തിന് 12 ക്ലാസ് മുറികളാണുള്ളത്. ചടങ്ങില് കെഎന് എ ഖാദര് എം എല് എ അധ്യക്ഷത വഹിക്കും.
ജില്ലാ പഞ്ചായത്ത് പ്രസിഡന്റ് സുഹ്റ മമ്പാട്, എം എ ഖാദര്, എന് എം അന്വര് സാദാത്ത്, വി പി സൈതലവി തുടങ്ങിയവര് പങ്കെടുക്കും. വാര്ത്താസമ്മേളനത്തില് പ്രധാനാധ്യാപിക എസ് ബീന, പിടിഎ പ്രസിഡന്റ് പി പി അബ്ദുല്ഗഫൂര്, ഭാരവാഹികളായ വി പി മുഹമ്മദ് ബാവ, കെവി അഹ്മദ് കബീര്, വി മുഹമ്മദ് ആസിഫ് പങ്കെടുത്തു.