അബ്ദുല്‍ കരീമിന്റെ കുടുംബത്തിന് ഇനി എസ് വൈ എസ് സ്വാന്തനഭവനം

Posted on: November 7, 2014 12:23 am | Last updated: November 6, 2014 at 10:24 pm

കരിമ്പ: സമര്‍പ്പിത യൗവനം, സാര്‍ഥക മുന്നേറ്റം പ്രമേയത്തില്‍ ഫെബ്രുവരി 27,28,മാര്‍ച്ച് 1 തീയതികളില്‍ മലപ്പുറം താജുല്‍ ഉലമ നഗറില്‍ നടക്കുന്ന എസ് വൈ എസ് അറുപതാം വാര്‍ഷിക സമ്മേളനത്തോടാനുബന്ധിച്ച് നടത്തുന്ന ജീവകാരുണ്യ പ്രവര്‍ത്തനത്തിന്റെ ഭാഗമായി കരിമ്പ സ്വാന്തനം റിലിഫ് ആന്റ് ദഅ് വ സെല്‍ (ആര്‍ ഡി സി) ഐ സി എഫ് അല്‍ഖൈാറിയത്ത് സെന്‍ട്രല്‍ കമ്മിറ്റിയുടെ സഹകരണത്തോടെ വീട് വെച്ച് നല്‍കുന്നു.
കരിമ്പ മഹല്ലില്‍ ഏതാനും വര്‍ഷങ്ങള്‍ക്ക് മുമ്പ് മരണമടഞ്ഞ കണയംകോടില്‍ അബ്ദുല്‍കരീമിന്റെ കുടുംബത്തിന് വീട് വെച്ച് നല്‍കുന്നത്. അബ്ദുല്‍ കരീം മരണമടഞ്ഞതോടെ ഭാര്യയും വിവാഹ പ്രായമെത്തിയ രണ്ട് പെണ്‍കുട്ടികളും ചെറിയൊരു വീട്ടില്‍ യാതൊരു സുരക്ഷയുമില്ലാതെയാണ് ജീവിതം തള്ളി നീക്കുന്നത്.
ഇത്തരമൊരു സാഹചര്യത്തിലാണ് കരിമ്പ സ്വാന്തനം സെല്‍ ഇവരെ സഹായിക്കാന്‍ മുന്നോട്ട് വന്നത്. ഇന്ന് രാവിലെ എട്ടരക്ക് വീടിന്റെ കുറ്റിയടിക്കല്‍ കര്‍മം ജില്ലാ സംയുക്തഖാസി എന്‍ അലി മുസ് ലിയാര്‍ നിര്‍വഹിക്കും.
സമസ്ത ജില്ലാ പ്രസിഡന്റ് കൊമ്പം കെ പി മുഹമ്മദ് മുസ് ലിയാര്‍, ജില്ലാ സെക്രട്ടറി മാരായമംഗലം അബ്ദുറഹ് മാന്‍ ഫൈസി, എസ് വൈ എസ് ജില്ലാ പ്രസിഡന്റ് എന്‍ കെ സിറാജുദ്ദീന്‍ ഫൈസി, ജില്ലാ ജനറല്‍ സെക്രട്ടറി എം വി സിദ്ദീഖ് സഖാഫി, ഇസമാഈല്‍ ദാരിമി, ടി കെ യൂസഫ് ഫൈസി, എന്‍ ഷാഹുല്‍ഹമീദ് സഅദി, സി മൊയ്തീന്‍കുട്ടി ബാഖവി, ശഫീഖ് അല്‍ഹസനി, വി എസ് അശറഫ് അല്‍ഹസനി പങ്കെടുക്കും. വീടിന്റെ തറക്കല്ലിടല്‍ കര്‍മത്തിന് 9ന് രാവിലെ പത്തിന് കരിമ്പ മഹല്ല് ഖാസി അത്വീഖു റഹ് മാന്‍ ഫൈസി നേതൃത്വം നല്‍കും.
സയ്യിദ് ഹാശിം കോയ തങ്ങള്‍ കല്ലടിക്കോട് ദുആക്ക് നേതൃത്വം നല്‍കും. അബ്ദുള്‍ സലിം മുസ് ലിയാര്‍, കെ കെ ഹംസക്കുട്ടി ബാഖവി, വി മുഹമ്മദ് ഫൈസി, അബ്ദുല്‍ നാസര്‍ മിസ് ബാഹി, എം എം ആലിപ്പ ഹാജി, വി എന്‍ അബ്ദുറസാഖ്, കരിമ്പ പഞ്ചായത്ത് പ്രസിഡന്റ് ആന്റണി മതിപ്പുറം, ബ്ലോക്ക് പഞ്ചായത്ത് മെമ്പര്‍ യൂസഫ് പാലക്കല്‍, വാര്‍ഡ് മെമ്പര്‍ ദാമോദരന്‍, മുന്‍ പഞ്ചായത്ത് മെമ്പര്‍ പി ജി വത്സന്‍, എം എസ് അബ്ദുല്‍ നാസര്‍ പങ്കെടുക്കും.