Kasargod
മൂന്നാംവര്‍ഷവും തരിശുപാടത്ത് നൂറുമേനി കൊയ്ത് എന്‍ എസ് എസ് വളണ്ടിയര്‍മാര്‍
ഇരിയണ്ണി: തുടര്‍ച്ചയായി മൂന്നാം വര്‍ഷവും തരിശുപാടത്ത് നൂറുമേനി കൊയ്ത്ത് എന്‍ എസ് എസ് വളണ്ടിയര്‍മാര്‍ നാടിന് മാതൃകയായി. അരിക്കുപോലും അന്യദേശത്തെ ആശ്രയിക്കുന്ന മലയാളികള്‍ക്ക് മാതൃകയാവുകയാണ് ഇരിയണ്ണിയിലെ ഹയര്‍ സെക്കന്‍ഡറി വിഭാഗം കുട്ടികള്‍. വര്‍ഷങ്ങളായി തരിശായിക്കിടന്ന പയത്തിലെ രാധാകൃഷ്ണന്റെ ഭൂമിയിലാണ് ജൈവവളം മാത്രം ഉപയോഗിച്ച് ഇവര്‍ കൃഷിയിറക്കിയത്.
കുട്ടികള്‍തന്നെ ഞാറുനട്ടു പരിപാലിച്ച വിളവ് നൂറുമേനിയില്‍ എത്തിയപ്പോള്‍ നാട്ടുകാര്‍ക്കും കുട്ടികള്‍ക്കും ഒരുപോലെ ആഹ്ലാദമായി.
കൊയ്ത്തുത്സവത്തിന്റെ ഉദ്ഘാടനകര്‍മം നിര്‍വഹിച്ചത് ജില്ലാ പഞ്ചായത്ത് പ്രസിഡന്റ് അഡ്വ. പി പി ശ്യാമളാദേവിയാണ്. ചടങ്ങില്‍ പ്രിന്‍സിപ്പല്‍ ചന്ദ്രന്‍ മുരിക്കോളി സ്വാഗതം പറഞ്ഞു. പി ടി എ പ്രസിഡന്റ് കെ പ്രഭാകരന്‍, പ്രണവം ക്ലബ് സെക്രട്ടറി വിനീഷ്, അധ്യാപകരായ സജീവന്‍ മമ്പറത്ത് കുഞ്ഞിരാമന്‍ മാസ്റ്റര്‍ പ്രസംഗിച്ചു. എന്‍ എസ് എസ് പ്രോഗ്രാം ഓഫീസര്‍ രാജന്‍ മാസ്റ്റര്‍ നന്ദി പറഞ്ഞു. അധ്യാപകരായ പ്രീത, ദിവ്യ, ധന്യ, സുമന എന്നിവര്‍ പരിപാടിക്ക് നേതൃത്വം നല്‍കി.
Latest
ജമ്മു കാശ്മീരിലെ ഝലം നദിയില്‍ ബോട്ട് മറിഞ്ഞ് അപകടം; നാല് മരണം
ചികിത്സയിലായിരുന്ന മകള്‍ മരിച്ചതില്‍ മനംനൊന്ത് അമ്മ ആത്മഹത്യചെയ്തു
സൂപ്പര്‍ 500' സ്‌കോളര്‍ഷിപ്പ് പ്രഖ്യാപിച്ച് ഹാര്‍വെസ്റ്റ് കോച്ചിങ്ങ് സ്‌കൂള്‍
വിവാഹത്തിന് മദ്യപിച്ചെത്തി പ്രശ്‌നമുണ്ടാക്കിയ വരന്‍ പൊലീസ് പിടിയില്‍ ; കല്യാണം മുടങ്ങി
വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ച സംഭവം; മുഖ്യമന്ത്രിക്ക് പരാതി നല്‍കുമെന്ന് കുടുംബം
ഭര്‍ത്താവിന്റെ ദേഹത്ത് തിളച്ച വെള്ളമൊഴിച്ചു, ടെറസില്‍ നിന്നും തള്ളിയിട്ടു ; യുവതി അറസ്റ്റില്‍
