Kasargod
ജൂബിലി ആഘോഷത്തിന്റെ നിറവില്‍ പൊതാവൂര്‍ ഹൈസ്‌കൂള്‍
ചെറുവത്തൂര്‍: വിദ്യാഭ്യാസ രംഗത്ത് മാതൃകാപരമായ പ്രവര്‍ത്തനങ്ങള്‍ കൊണ്ട് സംസ്ഥാനതല ശ്രദ്ധേയമായ പൊതാവൂര്‍ എ യു പി സ്‌കൂള്‍ ജൂബിലിയഘോഷത്തിന്റെ നിറവില്‍. ഒരുവര്‍ഷം നീണ്ടുനില്‍ക്കുന്ന പ്ലാറ്റിനംജൂബിലിയുടെ ഉദ്ഘാടനം മന്ത്രി തിരുവഞ്ചൂര്‍ രാധാകൃഷണന്‍ ഇന്നു രാവിലെ 10 മണിക്ക് നിര്‍വഹിക്കും. ചടങ്ങില്‍ കെ കുഞ്ഞിരാമന്‍ എം എല്‍ എ അധ്യക്ഷതവഹിക്കും. സംസ്ഥാന വനമിത്ര പുരസ്‌കാരം, പര്യാവരന്‍ മിത്ര ദേശീയ പുരസ്‌കാരം, ഐക്യരാഷ്ട്ര സഭയുടെ എഷ്യപസഫിക് സമ്മേളനത്തില്‍ പങ്കെടുക്കാന്‍ അവസരം തുടങ്ങിയവ ലഭിച്ച സ്‌കൂളാണ് പൊതാവൂര്‍.
രാവിലെ 9.30ന് നടക്കുന്ന സ്വീകരണ യാത്രയോടെയാണ് പരിപാടികള്‍ ആരംഭിക്കുക. ചടങ്ങില്‍ ജില്ല പഞ്ചായത്ത് പ്രസിഡന്റ് പി പി ശ്യാമളാദേവി, ചീമേനി ഗ്രാമ പഞ്ചായത്ത് പ്രസിഡന്റ് കെ ബാലകൃഷ്ണന്‍, എ ഇ ഒ. കെ പി പ്രകാശ്കുമാര്‍ തുടങ്ങിയവര്‍ പങ്കെടുക്കും. പരിപാടിയുടെ ഭാഗമായി ഗാനസുധ സംഗീത പരിപാടിയും അരങ്ങേറും. പരിപാടിയുടെ ഭാഗമായി പൂര്‍വ വിദ്യാര്‍ഥി സംഗമം, ഗുരുവന്ദനം, കലാസാംസ്‌കാരിക പരിപാടികള്‍, സോവനീര്‍ പ്രകാശനം, സാഹിത്യ സഹവാസ ക്യാമ്പുകള്‍, മെഡിക്കല്‍ ക്യാമ്പുകള്‍ തുടങ്ങിയവ സംഘടിപ്പിക്കുമെന്ന് ഭാരവാഹികള്‍ പറഞ്ഞു.
Latest
മണ്ണു നീക്കുന്നതിനിടെ സ്റ്റീല്‍ ബോംബ് കണ്ടെയ്‌നര്‍ കണ്ടെത്തി
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
