Kozhikode
മാഫിയക്കെതിരെ നടപടി ശക്തമാക്കുന്നു മണല്‍ കടത്ത് ഇനി മുതല്‍ മോഷണക്കുറ്റം
കൊയിലാണ്ടി: മണല്‍ മാഫിയാ സംഘത്തിന് മേല്‍ പോലീസിന്റെ കുരുക്ക് മുറുക്കുന്നു. വര്‍ധിച്ചുവരുന്ന നിയമ വിരുദ്ധ പുഴമണല്‍ കടത്തലിനെതിരെ സുപ്രീം കോടതി വിധിയുടെ പിന്‍ബലത്തിലാണ് നടപടി ശക്തമാക്കുന്നത്.
മണല്‍ മാഫിയക്കെതിരെ ഇനി മുതല്‍ മോഷണക്കുറ്റത്തിന് കേസെടുക്കും. അനധികൃതമായി മണല്‍ വാരുന്നവരും കടത്തുന്നവരും ഒത്താശ ചെയ്യുന്നവരുമെല്ലാം കേസില്‍ പ്രതിചേര്‍ക്കപ്പെടും.
മണല്‍ കടത്തുകാര്‍ക്കെതിരെ ദുര്‍ബലമായ വകുപ്പുകള്‍ പ്രകാരം ചുമത്തുന്ന കേസുകളില്‍ പ്രതികള്‍ പിഴ അടച്ച് രക്ഷപ്പെടുകയാണ് പതിവ്. മിക്കപ്പോഴും മണല്‍ ലോറിയുടെ ഡ്രൈവര്‍ മാത്രമാണ് പ്രതിയാകുക. പോലീസ് സ്റ്റേഷനില്‍ നിന്നു തന്നെ പ്രതിക്ക് ജാമ്യവും ലഭിക്കും. ഇതിന് ലഭിക്കാവുന്ന പരമാവധി ശിക്ഷയായ 25,000 രൂപ അടച്ചു ആഴ്ചകള്‍ക്കുള്ളില്‍ ലോറിയും തിരിച്ചെടുത്ത് വീണ്ടും പ്രതികള്‍ പഴയ പണി തുടരും.
ഇനി മുതല്‍ ലോറി ഡ്രൈവറെ കൂടാതെ വാഹന ഉടമസ്ഥന്‍, വാഹനത്തിലുള്ള മറ്റുള്ളവര്‍, മണല്‍ വാരുന്നവര്‍, മണല്‍ വാഹനത്തിന് അകമ്പടി പോകുന്നവര്‍, ഇടനിലക്കാര്‍ തുടങ്ങിയവരും മോഷണ കേസില്‍ പ്രതികളാകും.
Latest
കോഴിക്കോട് പെരുവയലില്‍ വീട്ടിലെ വോട്ടില്‍ ക്രമക്കേടെന്ന് പരാതി
സുഗന്ധഗിരി മരംമുറിക്കല്‍ കേസ്; ഡിഎഫ്ഒക്കെതിരായ നടപടി മരവിപ്പിച്ചത് നടപടിക്രമങ്ങളിലെ പാളിച്ചയെ തുടര്‍ന്നെന്ന് മന്ത്രി
മലബാര്‍ പൊറോട്ടയുടെ ജി എസ് ടി 18 ശതമാനം ആക്കണമെന്ന അപ്പലേറ്റ് അതോറിറ്റിയുടെ ഉത്തരവ് ഹൈക്കോടതി തള്ളി
പഞ്ചാബിലെ സംഗ്രൂര്‍ ജയിലില്‍ തടവുകാര്‍ തമ്മില്‍ സംഘര്‍ഷം; രണ്ട് മരണം
നെസ്ലെയുടെ സെറലാക്കില്‍ ഉയര്‍ന്ന അളവില്‍ പഞ്ചസാര; അന്വേഷണത്തിന് ഉത്തരവിട്ട് സിസിപിഎ
വോട്ടര്‍മാര്‍ക്ക് പണം നല്‍കാന്‍ എത്തിയെന്ന് ആരോപണം; മദ്യ വ്യവസായിയെ തടഞ്ഞു
