Malappuram
മദ്യലഹരിയില്‍ എടപ്പാളില്‍ യുവാവിന്റെ വിളയാട്ടം
എടപ്പാള്‍: മദ്യ, മയക്കുമരുന്ന് ലഹരിയില്‍ മോഷണവും അക്രമവും നടത്തിയ യുവാവ് എടപ്പാള്‍ ജംഗ്ഷനില്‍ ഭീതിവിതച്ചു. ഇന്നലെ വൈകീട്ട് അഞ്ചരയോടെ പൊന്നാനി സ്വദേശിയായ ഷെഫീഖ് (25) ആണ് തൃശൂര്‍ റോഡില്‍ അക്രമം അഴിച്ച് വിട്ടത്. മൊബൈല്‍ കടയില്‍ നിന്നും മൊബൈല്‍ എടുത്ത് ഓടിയ യുവാവിനെ നാട്ടുകാര്‍ പിന്തുടര്‍ന്നു. ഫുട്ട്പാത്തിലൂടെ ഓടിയ ഇയാള്‍ അതുവഴി നടന്ന് വന്ന സ്ത്രീകളുള്‍പടെയുള്ളവരെ അക്രമിക്കുകയും പിടിച്ച്പറി നടത്താന്‍ ശ്രമിക്കുകയും ചെയ്തു. പിടികൂടുമെന്നുറപ്പായതോടെ കെട്ടിടത്തിന്റെ താഴേക്ക് ചാടി രക്ഷപെടാന്‍ ശ്രമിച്ച ഇയാളെ എടപ്പാളില്‍ ഗതാഗതം നിയന്ത്രിച്ചുകൊണ്ടിരുന്ന സിവില്‍ പോലീസ് ഉദ്യോഗസ്ഥരും ഹോം ഗാര്‍ഡും ചേര്‍ന്ന് പിടികൂടി. എന്നാല്‍ പോലീസുകാരെ അക്രമിച്ച് പ്രതി രക്ഷപെട്ടെങ്കിലും ജംഗ്ഷനിലെ ചുമട്ടു തൊഴിലാളികള്‍ ഇയാളെ പിടികൂടി ചങ്ങരംകുളം പോലീസിലേല്‍പിച്ചു. പോലീസിന്റെ അന്വേഷണത്തില്‍ ഷെഫീഖ് ബ്രൗണ്‍ഷുഗര്‍ വില്‍പ്പന കേസുള്‍പ്പടെ വിവിധ കേസുകളില്‍ പ്രതിയാണെന്നും സബ് ജയിലില്‍ റിമാന്‍ഡിലായിരുന്ന ഇയാള്‍ കഴിഞ്ഞ ദിവസമാണ് പുറത്തിറങ്ങിയതെന്നും വ്യക്തമായിട്ടുണ്ട്.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
